धरान । बडादसैँ, तिहार, नेपाल संवत् तथा छठ पर्वलाई लक्षित गर्दै नेपाल प्रहरीले देशभर ५० हजार ४ सय ५८ प्रहरी जनशक्ति परिचालन गरी विशेष सुरक्षा योजना–२०८३ कार्यान्वयनमा ल्याएको छ। चाडपर्वका बेला हुन सक्ने चोरी, लुटपाट, ठगी, जुवातास, अनलाइन ठगी र सीमा नाकाबाट हुने तस्करी नियन्त्रण गर्न केन्द्रीय तहदेखि प्रदेशस्तरसम्म एकीकृत सुरक्षा व्यवस्था मिलाइएको हो।नेपाल प्रहरीका केन्द्रीय प्रवक्ता डीआईजी अबि नारायण काफ्लेका अनुसार नागरिकको सहज आवागमन, धार्मिक तथा सांस्कृतिक स्थलको सुरक्षा र जनधनको संरक्षणलाई केन्द्रमा राखेर सुरक्षा ढाँचा तयार पारिएको छ। 

काठमाडौँ उपत्यका प्रहरी कार्यालय रानीपोखरीसहित सातै प्रदेशमा व्यापक प्रहरी परिचालन गरिएको छ।प्रदेशगत विवरण अनुसार सबैभन्दा बढी कोशी प्रदेशमा ८ हजार १ सय ३३ प्रहरी खटाइएको छ। यस्तै मधेशमा ७ हजार २ सय ३०, लुम्बिनीमा ७ हजार ९ सय २१, कर्णालीमा ५ हजार ३ १४, गण्डकीमा ५ हजार १ सय ८८, सुदूरपश्चिममा ४ हजार ५ सय ५ र बागमतीमा ४ हजार ४ सय ९९ जनशक्ति परिचालन गरिएको छ। काठमाडौँ उपत्यकामा मात्रै ७ हजार ६ सय ६८ प्रहरी खटाइएको छ।४०८ यात्रु सहायता कक्ष, लामो दूरीका सवारीमा कडा जाँचसार्वजनिक यातायातमा यात्रुको अत्यधिक चापलाई ध्यानमा राख्दै देशभर ४ सय ८ यात्रु सहायता कक्ष स्थापना गरी १ हजार १ सय ६५ प्रहरी परिचालन गरिएको छ। सहायता कक्षले यात्रुलाई सूचना तथा सहयोग उपलब्ध गराउने, हराएका सामान र व्यक्तिको समन्वय गर्ने तथा महिला, बालबालिका र ज्येष्ठ नागरिकलाई प्राथमिकताका साथ सेवा दिनेछ।

उपत्यकाबाट बाहिरिने लामो दूरीका सवारी साधनमा चालकको अनुमतिपत्र, मापसेरलापसे, सिट क्षमता, दुई चालकको व्यवस्था र यान्त्रिक परीक्षण प्रमाणपत्रको अनिवार्य जाँच सुरु गरिएको छ।सीमा नाकामा प्रविधिसहित कडा निगरानीअन्तर्राष्ट्रिय सीमा नाकाका १ सय ८ स्थानमा हेल्प डेस्क स्थापना गरी ७ सय ५ प्रहरी परिचालन गरिएको छ। अवैध हातहतियार, पटका र लागूऔषध ओसारपसार रोक्न पैदल, मोबाइल, ग्रामीण र लोकमार्ग क्रस पेट्रोलिङ बढाइएको छ।यस पटक सुरक्षा व्यवस्थापनमा सीसीटीभी, बडी–वर्न क्यामेरा, ड्रोन, तालिमप्राप्त कुकुर र सामाजिक सञ्जाल अनुगमनलाई समेत जोड दिइएको छ। मुख्य बजार, बैंकिङ क्षेत्र, सपिङ मल र सुनचाँदी कारोबार हुने स्थानलाई उच्च प्राथमिकतामा राखिएको प्रहरीले जनाएको छ।

डिजिटल माध्यमबाट हुने बैंकिङ ठगी, लटरी र फिसिङ रोक्न विशेष निगरानी बढाउँदै प्रहरीले ओटीपी, पिन वा पासवर्ड कसैलाई नदिन र घर खाली रहेको सूचना सामाजिक सञ्जालमा नराख्न नागरिकलाई अपिल गरेको छ।कोशीका १४ वटै जिल्लामा उच्च सतर्कताकेन्द्रको निर्देशन अनुसार कोशी प्रदेश प्रहरी कार्यालयले पनि १४ वटै जिल्लामा ८ हजारभन्दा बढी जनशक्ति प्रत्यक्ष रूपमा मैदानमा उतारेको छ।कोशी प्रदेश प्रहरी प्रमुख डीआईजी शेखर खनालले चाडपर्वका नाममा हुने जुवातास, कालोबजारी, अवैध मदिरा र आपराधिक क्रियाकलापविरुद्ध शून्य सहनशीलताको नीति अपनाउन निर्देशन दिइएको बताए।प्रदेश प्रहरी कार्यालयका सूचना अधिकारी एसपी सुमन तिम्सिनाका अनुसार प्रदेशभर २४ सै घण्टा मोबाइल गस्ती, पैदल गस्ती, पिकेट र क्विक रेस्पोन्स टोली परिचालन गरिएको छ।

कोशी प्रदेशको जनशक्ति व्यवस्थापन तालिका

ड्युटीको प्रकार / क्षेत्रखटाइएको जनशक्ति
मोबाइल गस्ती१,४८५ जना
पैदल गस्ती१,१७८ जना
पिकेट ड्युटी१,०१३ जना
ट्राफिकसहितको संयुक्त चेकिङ५७५ जना
कमान्ड पोस्ट र क्विक रेस्पोन्स टोली (QRT)५०७ जना
बैंक, वित्तीय तथा आर्थिक क्षेत्र सुरक्षा४८२ जना
पालोपहरा तथा कार्यालय सुरक्षा३८३ जना
सादा पोसाकका प्रहरी३४८ जना
राजमार्ग स्कर्टिङ२७४ जना
धार्मिक तथा पर्यटकीय स्थल२१३ जना
बजार अनुगमन टोली१९२ जना
र्यापिड रेस्पोन्स भेइकल (RRV)१६२ जना
सीमा नाका सुरक्षा१५५ जना
प्रदेशस्तरीय अनुगमन टोली१४९ जना
यात्रु सहायता कक्ष (Help Desk)१०४ जना
विपद् व्यवस्थापन टोली७६ जना
तालिमप्राप्त कुकुरसहितको चेकिङ१० जना

स्राेत: काेशी प्रदेश प्रहरी कार्यालय, विराटनगर