काठमाडाैं ।
२०७४ सालको निर्वाचन अभियानमा गाउँ–गाउँ, चोक–चोकमा घन्किएको यही गीतले शनिबार फेरि एकपटक भक्तपुरको सल्लाधारी खेल मैदानलाई तरंगित बनायो। नेकपा एमालेको ११औँ महाधिवेशनको उद्घाटन सत्रमा बजेको यो गीतले हजारौँ प्रतिनिधि, कार्यकर्ता र समर्थकलाई शनिवार एकै लयमा बाँध्यो—गीत, ताली र नृत्यमा।
नेकपा एमाले महाधिवेशन प्रतिनीधिसमेत रहनु भएकाा मजदुर वर्गका नेता भीमज्वाला राईको रचनामा तयार भएको उक्त गीत सञ्जय तुम्रोक र रूपा चौधरीको स्वरमा गुञ्जिँदा मैदान उत्सवस्थलमा परिणत भयो। देशभरबाट महाधिवेशनमा सहभागी प्रतिनिधिहरू गीतसँगै नाच्दै, गुनगुनाउँदै राजनीतिक उत्साह प्रकट गरिरहेका देखिन्थे। गीतमा जेन जी पुस्ताले नृत्यसमेत गरेका थिए ।
रेकर्ड गरिएको ट्र्याकमा गीत बजिरहँदा माहोल उत्कर्षमा पुगेको बेला गायक सञ्जय तुम्रोक र गायिका रूपा चौधरी स्वयं मञ्चमा उभिएर लाइभ प्रस्तुति दिनु भयाे । दर्शकदीर्घाबाट उठेको ताली, नृत्य र हुटिङले मैदान केही समयका लागि सांस्कृतिक महोत्सव जस्तै देखियो। गीतले केवल मनोरञ्जन मात्र होइन, पार्टीप्रतिको भावनात्मक एकता पनि झल्काइरहेको थियो।
संगीत, सन्देश र पुस्तान्तरण
सल्लाधारी मैदानमा घन्किएको त्यो गीत केवल एउटा सांगीतिक प्रस्तुति थिएन—यो पार्टीको विगत, वर्तमान र भावी यात्रालाई जोड्ने सांस्कृतिक दस्तावेजका रूपमा प्रस्तुत भयो।
रचनाकार राई नेकपा एमालेकाे ११ ओैं महाधिवेशनमा केन्द्रीय सदस्यकाे दावेदार हुनुहुन्छ ।
गीत सुन्न यहाँ क्लिक गर्नुहाेस् ।
