धरान / हिविस्कस इङ्लीस वोडिङ स्कुल धरान–१५ ले अतिरिक्त क्रियाकलापमा विद्यार्थीहरुलाई पोख्त बनाउन यस वर्षदेखि हरेक शुक्रबार पुस्तक विहिन कक्षा संचालन गर्ने भएको छ ।
स्कुलले यस वर्षको नयाँ शैक्षिक शत्रदेखि विद्यार्थीहरुलाई अतिरिक्त क्रियाकलापलाई प्राथमिकतामा राखेर पुस्तक विहिन कक्षा संचालन गर्न लागिएको विद्यालयका प्रवन्ध निर्देशक गंगाराम राईले जानकारी दिनु भएको छ ।
विद्यालयले वार्षिक कार्यतालिका नै वनाएर पुस्तक विहिन कक्षा संचालन गर्न लागेकाे हो । जेठ र असारमा विद्यार्थीहरुलाई विभिन्न विधा नृत्य, व्यक्तित्वकला, बादविवाद, उद्घोषण कला, गायन, चित्रकलालगायतका विषयमा प्रशिक्षण प्रदान गरिने निर्देशक राईले बताए । साउनदेखि प्रत्येक शुक्रबार विद्यार्थीहरुविच प्रतिस्पर्धा गराइने छ । ‘विद्यार्थीहरु आफुभन्दा ठूलो झोला बोकेर सधै विद्यालय आउदा एक दिन उनीहरु स्वतन्त्र भएर आउने छन् ।’– निर्देशक राईले भन्नु भयो –‘कितावी ज्ञानभन्दा बाहिरका विषयमा पनि विद्यार्थीहरुलाई पोख्त बनाउने हाम्रो योजना छ।’
विद्यालयले यस बर्षदेखि एकल महिलाका छोरा छोरीहरुलाई भर्ना शुल्कमा ४० प्रतिशत छुट गरेर अध्ययन गराउने संचालक पवन झाले जानकारी दिनु भएको छ । सामाजिक उत्तरदायित्व बहन अन्तर्गत यस्तो योजना ल्याइएको विद्यालयले जनाएको छ । यस्तै विद्यालयले यो शैक्षिक सत्रमा स्मार्ट कक्षा संचालन गर्ने योजना वनाएको बताइएको छ ।
