धरान / नेकपा (एमाले) का महासचिव शंकर पोख्रेलले बङ्गलादेशकै मोडल अनुसार नेपालमा पनि सत्ता परिवर्तनको दिवा सपना नदेख्न पूर्व राजा ज्ञानेन्द्रलाई चेतावनी दिनु भएको छ ।
इटहरीमा बुधबार भएको बृहत जनजागरण सभामा बोल्दैं महासचिव पोखरेलले गत चैत्र १५ गते काठमाडौमा भएको आन्दोलनको मुख्य योजनाकार अरू कोही नभएर पूर्वराजा ज्ञानेन्द्र शाह स्यवम रहेकोसमेत दावी गर्नु भयो । महासचिव पोख्रेलले फागुन ७ गते दिएको अभिव्यक्ति गणतन्त्र बिरूद्ध भएको र उनकै उक्साहटमा चैत्र १५ गते काठमाडौमा अराजक निम्त्याएको समेत उहाँले बताउनु भयो । ‘चैत्र १५ गते तीनकुनेमा जे जे भए जति हानी नोक्सानी भए ति सबै घटनाका जिम्मेवार पूर्व राजा ज्ञानेन्द्र शाहले लिनुपर्छ ।’–पोख्रेलले भने–‘बङ्गालादेश मोडल अनुसार नेपालमा पनि सत्ता परिवर्तनको दिवा सपना नदेख्न म यही मञ्चबाट ज्ञानेन्द्रलाइ चेतावनी दिन्छु ।’
सभामा नेकपा एमाले कोशी प्रदेश इञ्चार्ज तथा संस्थापक मुख्यमन्त्री शेरधन राइले जनताले चाहे तानासाही प्रवृतिको क्षणभर सखाप हुने बताउनु भयो । उहाँले अहिलेको व्यवस्था नै जनताको लागि सर्वभौम रहेको बताउदैं शान्त रहेका जनतालाई फेरी चलाए परिस्थिति अर्कै हुने बताउनु भयो । उहाँ गणतन्त्र बिरोधी कुनै हर्कत जनतालाई स्वकिार्य नहुने उहाँको भनाई थियो ।
त्यस्तै कोशी प्रदेशका पूृर्व मुख्यमन्त्री तथा नेकपा एमाले स्थायी कमिटी सदस्य भीम आचार्यले पूर्व राजा ज्ञानेन्द्र शाहसँग अब ती वटा मात्र विकल्प रहेको उल्लेख गर्नु भयो । उहाँले भन्नु भयो –‘गणतन्त्रको तलब भत्ता खाने र चुप भएर संविधानले तोकेको नीति नियममा चल्ने , धार्मिक स्थलहरूको दर्शन गर्दै बिगतमा गरेको पापको प्रायश्चित गर्ने र राष्ट्र निर्माण एवम विकाश, समृद्धि तथा दिगो शान्ति स्थापनामा दलहरूसँग सहकार्य गर्ने यो भन्दा अरू बिकल्प छैन् ।’ आफैले अन्त्य गरेको साशनलाई पुन आफै सकृय भएर ब्युताउन खोज्दा अब जनताले बाँकी नराख्ने नेता आचार्यले भन्नु भयो । कार्यक्रममा नेकपा एमाले सुनसरी इञ्चार्ज जगदिश कुसियतले पनि ज्ञानेन्द्रलाई आफ्नो हैसियतमा बसन चेतावनी दिनु भयाे ।
