धरान । ‘किरात सिरिजङ्गा लिपि’ प्रशिक्षण धरानमा सम्पन्न भएकाे छ ।
किरात राई यायोक्खा धरान उपमहानगर समितिको आयोजनामा धरान–१० स्थित यलम्बर सग्राहलय भवनको सभाहलमा प्रशिक्षण भएको हो । दुई दिनसम्म सञ्चालन हुने प्रशिक्षण कार्यक्रममा प्रशिक्षण कार्यक्रममा धरानका विभिन्न किराया वडा कार्यसमिति, भाषिक, भातृ सस्थाबाट ४० जना प्रशिक्षार्थीहरुको सहभागीता रहेको किराया नगर सचिब गिता राईले जानकारी दिनु भयाे। प्रशिक्षण कार्यक्रमको सहजिकरण किरात प्रज्ञा परिषद्का सदस्य एबम किरात सिरिजङ्गा लिपि कार्यदल सदस्य गणेश वाम्बुले राईले गर्नु भएकाे थियाे । प्रशिक्षण कार्यक्रमको उद्घाटन धरान उपमहानगरपालिकाका नगर उपप्रमुख आइन्द्र विक्रम बेघाले गर्नु भयाे । कार्यक्रममा बोल्र्दै प्रमुख अतिथि बेघाले सबै जातीको भाषा, धर्म, सस्कार, सस्कृतिको सरक्षण गर्ने दायित्व तीनै तहको सरकारको भएको बताउनु भयाे ।
यस्तै, किराया सुनसरी अध्यक्ष राजेन्द्र राईले भाषा बोले पनि लिपि नबुझ्दा भाषा लोप हुने अवस्था रहेका बताउनु भयाे । उहाँले पुस्तानतरण गर्दै लानको लागि लिपि बुझ्नु जरुरी रहेको भन्र्दै प्रशिक्षण कार्यक्रममले भाषा, सस्कृतिको जगेर्नामा ठुलो सहयोग पुग्ने बताउनु भयाे । उहाँले धरान उपमहानगरले जातीय संस्थाहरुलाई बजेट विनियोजन गर्दा जनसख्याको आधारमा गर्नुपर्ने सुझाब समेत दिनु भयाे। किरात सिरिजङ्गा लिपिको बारेमा समुदाय स्तरसम्म ज्ञान प्रदान गर्ने उद्देश्यले प्रशिक्षण कार्यक्रम आयोजना गरिएको किराया धरान नगर समितिका अध्यक्ष लिला राईले बताउनु भयाे। सामान्य रुपमा भाषा बोलेपनि लिपि नबुझ्दा पुस्तान्तरणमा समस्या भएको उहाँको भनाई थियो ।
