काठमाडौं / नेपालको पर्यटन विकासमा हवाई सेवा र नकारात्मक सूचनाहरू वाधक रहेको विभिन्न देशमा रहेर नेपालको पर्यटन प्रबर्द्धकहरूले वताएका छन ।
गत सोमवार काठमाण्डौमा सस्कृति,पर्यटन तथा नागरिक उड्यायन मन्त्रालयले आयोजना गरेको पर्यटन प्रबर्द्धकहरूसंगको अन्तरकृया कार्यक्रममा देश विदेशमा रहेका अवैतनिक पर्यटकहरूले आफ्नो कार्य क्षेत्रमा गरेका प्रगती प्रतिबेदन सुनाउने क्रममा नेपाली हवाई सेवाको अनियमितताको वारेमा आवाज उठाएका थिए ।
थाईल्याण्डमा पर्यटन प्रबर्धक चिरेन शाक्यले हरेक थाईल्याण्डवासी नेपाल आउन चाहन्छन तर नेपालको हवाई टिकटको मूल्य सुनेर निरास हुन्छन जवकि अन्य ठाउँ जानू भन्दा नेपाल आउन तीन चार गुणा वढि यातायात खर्च हुने गरेको छ । नेपालमा हवाई सेवामा नीजि क्षेत्रको हालिमुहाली भएको कारण पनि यसो भएकोले सरकारले यस विषयमा गम्भीर हुन सुझाव दिनुभयो ।
यसैगरी मकाउका पर्यटन प्रबर्द्धक आनन्द श्रेष्ठले अहिलेसम्म नेपाल र मकाउ वीच रोजगार लिने दिने मात्र सम्बन्ध स्थापित भईरहेकोमा आफ्नो दुई वषिेय कार्यकालमा मकाउ र नेपाल वीच सिधा हवाई सम्पर्क गराई लगानी भित्र्याउने साथै मकाउमा रहेका १७ प्रतिसत बुद्धधर्मावलम्वीहरूलाई नेपाल ल्याउने विशेष योजना चलाउनुपर्ने बताउनु भयो ।
यसै गरि लण्डनस्थित वेल्स शहरको पर्यटन प्रबर्धक सोम सापकोटाले विश्व सामु नेपाललाई चिनाउन सामाजिक संजाल र अनलाईनको व्यापक सदुपयोग गर्नुपर्ने वताउनुभयो । पर्यटन सचिव विनोदप्रसाद सिहले सरकारवाट कुनै पनि सुविधा नलिएका २८ जना पर्यटन प्रबर्धकहरूले पुयाउनु भएमो योगदानको चर्चा गर्नु भयो ।
सो भेलामा हङकङका पर्यटन प्रबर्धक तेज प्रकाश् पुन,अमेरिकाका प्रकाश् अधिकार , आयरल्याण्डकवाट पर्यटन प्रबन्धकहरुले सहभागिता जनाएका थिए । सो अन्तरकियामा टान,हान,नाटा ,पर्वतारोहि संघ, पर्यटन तथा होटल व्यवस्थापन प्रतिष्ठान, नेपाल पर्यटन बोर्ड पर्यटन विभागका प्रमुख र प्रधानमन्त्री कार्यालय,परराष्ट मन्त्रालयका सह सचिवहरूको सहभागिता रहेको थियो ।
