धरान / वित्तीय सचेतना अभिवृद्धि गर्ने उद्देश्यसहित धरान बैंकर्स क्लबको आयोजनामा धरानमा वित्तीय साक्षरता कार्यक्रम सम्पन्न भएको छ ।
ग्लोबल मनी वीक २०२५ को अवसर पारेर आयोजित कार्यक्रममा धरानस्थित एनएमबी बैंक, हिमालयन बैंकलगायतका वित्तीय संस्था तथा बीमा कम्पनीका प्रतिनिधिहरूको उल्लेखनीय सहभागिता रहेको थियो ।
कार्यक्रम अन्तर्गत प्रभातफेरी आयोजना गरिएको एनएमवि बैंक धरानका व्यवस्थापक गोविन्द घिमिरेले जानकारी दिनु भयो । नागरिकलाई वित्तीय ज्ञानको महत्वबारे जागरूक बनाउन सन्देशमुलक प्रभावफेरी कार्यक्रमको आयोजना गरिएको उहाँले बताउनु भयो । प्रभातफेरी भाटभटेनी, पुतली लाइन, भानु चोक, छाता चोक, टेलिकम लाइन, एफएफएनसीआई भवन, पुरानो बजार, सिंहदेवी चोक, देशी लाइन हुँदै पुनः भानु चोक मा आएर टुंगिएको थियो ।
ग्लोबल मनी वीकको नारा ‘पछ्याउनु अघि सोच्नुहोस्, भोलि बुद्धिमानीसँग पैसा प्रयोग गर्नुहोस् ।’ भन्ने रहेको थियो । प्ले काडृमा वित्तीय अनुशासन, मितव्ययिता, सुरक्षित डिजिटल कारोबार तथा बैंकिङ सेवा प्रभावकारी रूपमा उपयोग गर्ने उपायहरूबारे सन्देशहर लेखिएको थियो ।
