धरान / अन्तर्राष्ट्रिय महिला दिवसको अवसरमा भारतको ग्रेटर नोएडामा आयोजित ‘राष्ट्र शक्ति शिखर सम्मेलन’मा नेपालकी प्रतिभाशाली गायिका मिलन नेवारलाई ुस्वर कोकिला लता मंगेशकर सम्मान २०२५ प्रदान गरिएको छ। संगीत क्षेत्रमा उहाँद्वारा नेपाल र भारतमा गरिएको उत्कृष्ट योगदानका लागि यो सम्मान दिइएको हो।
सम्पर्क क्रान्ति परिवारद्वारा आयोजित यस कार्यक्रममा महिला सशक्तिकरण, शिक्षा, स्वास्थ्य, सुरक्षा र स्वावलम्बनका विषयमा गम्भीर छलफल पनि भएको थियो। विभिन्न क्षेत्रका प्रतिष्ठित महिलाहरूलाई ‘राष्ट्र शक्ति शिरोमणि सम्मान’, ‘राष्ट्र तेजस्विनी सम्मान’, र ‘राष्ट्र यशस्विनी सम्मान’ जस्ता विभिन्न सम्मानहरू प्रदान गरिएका थिए।
नेपालबाट सम्मान ग्रहण गर्न उपस्थित मिलन नेवारले आफ्नो सम्मानलाई नेपाली संगीत र संस्कृतिको प्रतिनिधित्व गर्ने अवसरको रूपमा लिनु भएको ५ । उहाँले यो सम्मान आफ्नो मात्र नभएर सम्पूर्ण नेपालका लागि भएको महसुस गर्दै, नेपाली र नेपाली संगीत क्षेत्रका महिलाहरूको सम्मान भएको बताउन भयो । ‘यो सम्मानले नेपाली महिलाहरूलाई अन्तर्राष्ट्रिय मंचमा पहिचान दिलाउने काम गरेकोमा म खुशी छु।’– उहाँले भन्नु भयो ।
मिलन नेवारले आफ्नो सांगीतिक जीवनको यो सम्मान महत्वपूर्ण उपलब्धि भएको र यसले उहाँलाई अझ प्रेरित बनाएको उल्लेख गर्दै नेपाली संगीतलाई विश्वमा पहिचान दिलाउन अग्रसर रहेको बताउनु भयो ।
