धरान । जिफन्ट आवद्ध नेपाल सुरक्षा श्रमिक ट्रेड युनियन बीपी प्रतिष्ठान इकाई कमिटीको चौथो अधिवेशनले रत्न नेम्वाङको अध्यक्षतामा १७ सदस्यीय नयाँ नेतृत्व सर्वसम्मत चयन भएको छ ।
कमिटीको उपाध्यक्षमा प्रेम कुवँर, सचिवमा प्रविण राई, सहसचिवमा रोशन राई (सुरेश) र कोषाध्यक्षमा वविता नेपाल चयन भएको छ । त्यस्तै सदस्यहरुमा मनिता श्रेष्ठ, मनुका सुवेदी, युवराज जिमी, डिकराम राई, विनोद गौतम, जिना तामाङ, इवाहाङ लिम्बू, नारायण बर्देवा, कुलबहादुर मगर, मुना कार्की, जनार्दन ठाकुर र रेवत प्रधान रहेकाछन् । कमिटीको सल्लाहकारमा हेमन्त राई र धनबहादुर राई चयन भएको छ ।
शनिबार निर्वाणा कन्ट्रीक्लवको सभाहलमा अधिवेशनको उद्घाटन कोशी प्रदेशसभा सदस्य माननीय विजयकुमार राईले गर्नुभएको थियो । अधिवेशनमा जिफन्टका राष्ट्रिय कमिटी सदस्य तथा नेपाल यातायात स्वतन्त्र मजदुर संगठनका केन्द्रीय अध्यक्ष भीमज्वाला राई लगायतका नेताहरु सहभागी रहनुभएको थियो ।
