सृष्टिकी अनुपम सुन्दर नारी तिमी
तिमीबिना यो संसार अँध्यारो छ
निःशब्द छ।
सत्य हौ तिमी
शाश्वत तिमी
ममता, प्रेम त्याग र बलिदान देवी तिमी
तरै पनि
विलुप्त भइरहेछौ आज तिमी।
कारण,
त्यही त हो
तिम्रो धैर्यलाई दानवहरूले
तिम्रो शक्तिलाई
तिम्रो कमजोरी ठान्छन्
तिमीलाई अबला र कठपुतली ठान्छन्
तर।।।
तर।।।ती महान् नारी तिमी
तिमी सृष्टिकर्ता
तिम्रो अस्तित्वलाई बचाउँने
तिम्रो अस्मितालाई सुरक्षित गर्ने
प्रयास गर्नुपर्छ तिमीले
ए नारी
सृष्टिको अनुपम सुन्दरी हौ तिमी
तिमीबिना यो संसार सङ्कीर्ण छ
निःशब्द एउटा शरीर छ।।
