- प्रचार उपसमितिले काम थाल्याे
धरान । नेकपा एमाले सुनसरी जिल्लाको आठौं अधिवेशन यही जेठ ५, ६ र ७ गते इटहरी ५ पचरुखीस्थित लाइन्स क्लवको सभाहलमा हुने भएकाे छ ।
अन्य जिल्लाहरूकाे अधिवेशन भइसकेता पनि सुनसरी र माेरङकाे मिति ताेक्न बाँकी थियाे ।
मिति ताेकिएर विभिन्न उपसमितिहरू बने पछि प्रचार प्रसार उपसमितिले आफ्नाे काम सुरू गरेकाे छ ।
आठौं जिल्ला अधिवेशनको प्रचारप्रसार स्थानीय भाषामा गरिने निर्णय भएकाे प्रचार प्रसार उपसमितिका संयाेजक रवि खनालले जानकारी दिनु भयाे ।
प्रचारप्रसार उपसमितिको बिहीबार बसेको बैठकले डिजिटल मिडियामार्फत गरिने अधिवेशनको प्रचार प्रसारमा स्थानीय भाषाको प्रयोग गर्ने निर्णय भएको उहाँले जानकारी दिनु भयाे ।
उहाँका अनुसार जिल्ला अधिवेशनको प्रचारप्रसार मैथली, थारु, राई वान्तवा, लिम्बू, नेवारी, तामाङलगायत नेपाली भाषामा गरिने भएकाे छ ।
जिल्ला नेतृत्व चयनका लागि प्रतिनिधि छनौटका लागि बैशाख २८ गते धरान, इटहरी, कोशी र हरीनगरका लागि निर्धारण गरेको छ । बैशाख २९ गते इनरुवा, दुहवी, रामधुनी र बराहक्षेत्रबाट प्रतिनिधि छनोट गरिने भएकाे छ । यस्तै बैशाख ३० गते भोक्राहानरसिंह, गढी, वर्जु र देवानगञ्जका प्रतिनिधि छनोट हुने छन् ।
