इलाम / इलाम–२ मा भएको उपनिर्वाचन अन्तर्गत फाकफोकथुम गाउँपालिका–१ देखि ६ सम्म गणना गर्दा एमालेका उम्मेदवार सुहाङ नेम्वाङले अग्रता लिनुभएको छ ।
मतगणनाअनुसार नेपाली कांग्रेसका उम्मेदवार डम्बरबहादुर खड्काले २७८२ मत प्राप्त गर्नु भएको छ । नेपाल कम्युनिष्ट पार्टी (एमाले)का उम्मेदवार सुहाङ नेम्वाङले ३७८३ मत प्राप्त गर्नु भएको छ । १००१ मतले एमाले अगाडी छ ।
त्यसैगरी स्वतन्त्र उम्मेदवार डकेन्द्रसिंह लिम्बुले ७८४ मत प्राप्त गर्दा राष्ट्रिय स्वतन्त्र पार्टीका उम्मेदवार मिलन लिम्बुले ५६१ मत प्राप्त गर्नु भएको छ ।
शनिबार भएको उपनिर्वाचनमा ६९ हजार दुई सय ८७ अर्थात् ५९ दशमलव ७९ प्रतिशत मत खसेको थियो। सो क्षेत्रमा एक लाख १५ हजार आठ सय ८९ मतदाता रहेका थिए । मत गण्ना कार्य जारी रहेको छ । इलाम २ मा छ वटा पालिका पर्छन् ।
