देउवाको हस्ताक्षरमा मोरङ ३ मा कांग्रेसको मौन अवधिमा रातारात जवरजस्ती सदस्यता वितरण

आफू पार्टीको लागि भोट माग्न गएको बेला घरमा आएर परिवारलाई जवरजस्ती सदस्यता छाडेर गएको स्थानीय टंक तामाङले  जानकारी गराए । मोरङ ३ बाट प्रदेशसभा सदस्यका उम्मेदवार आफ्ना दाजू मिशन सेर्पाको प्रचार प्रसारमा हिँडेका आफुहरु कांग्रेसको कार्यकता हुनै नसक्ने जनाए ।

जनसमाजवादी पार्टी नेपालका कार्यकर्ताहरु रविन तामाङ, वीरबहादुर तामाङ, टंक तामाङ, तेन्जी शेर्पा, सुनिता तामाङ लगायतको घरमा जवरजस्ती कांग्रेस पार्टीको सदस्यता छाडेर गएको रविन तामाङले बताउँछन् । जनसमाजवादी पार्टीका केन्द्रीय सदस्य मिलन लिम्बूले आफ्ना कार्यकर्तालाई एमालेबाट कांग्रेसका प्रवेश गरेको झुटो कुरा कोणसभाहरुमा प्रचार गर्नुका साथै मौन अवधिमा समेत कांग्रेसमा भोट हाल्न फोनमार्फत दवाव दिँदै निर्वाचन आचारसंहिताको ठाडो उल्लंघन समेत गरेको पत्रकार भेटघाटका  क्रममा जनाए । उनले भने ‘मौन अवधिमा समेत एउटा सदस्य बराबर १ लाख बराबरको स्वास्थ्य विमा गरिदिने भन्दै कांग्रेस कार्यकर्ताहरुले फर्जी सदस्यता वितरण गर्दै दवाव सिर्जना गरिरहनु कहाँसम्मको काम हो त ?’ उनले मौन अवधिमा मंसिर १९ गते राती समेत कांग्रेस पक्षले फोन गरेर १ लाखसम्मको निशुल्क स्वास्थ्य विमा हुने तथा उम्मेदवार सुनील शर्माको नोवेल अस्पतालमा निशुल्क उपचार गरिने भन्दै आफ्नो पार्टीमा भोट हाल्न दवाव दिएर नत्र सदस्यता रसिद फिर्ता लिनु भन्दै दवाव दिएको उनले सुनाए ।

कांग्रेस सभापति शेरबहादुर देउवाको हस्ताक्षर रहेको १०२११९३, १०२११९६ लगायतका नम्बर भएको फर्जी सदस्यता रसित वितरण भएको फेला परेको छ । एकापटी सदस्यता वितरण गर्ने हस्ताक्षर, वीचमा देउवा र अर्को छेउमा प्राप्त गर्नेको हस्ताक्षर गर्ने ठाउँ रहेको छ । फरक—फरक व्यक्तिको नाममा छाडिएको रसिदमा प्राप्त गर्नेको हस्ताक्षर भने एकै प्रकारको रहेको छ ।