धरान । धरान उपमहानगरपालिका वडा नं. १० द्वारा ६२ औं राष्ट्रिय बाल दिवसको अवसरमा आयोजित वडास्तरीय वक्तृत्वकला प्रतियोगितामा युएन स्कुलकी छात्रा सेयमी गजमेर प्रथम हुनु भएको छ । कक्षा ७ मा अध्ययनरत सेयमीले उत्कृष्ट प्रस्तुति दिँदै प्रतियोगितामा पहिलो स्थान हासिल गर्नु भएको हो । प्रथम भएसँगै सेयमीलाई नगद रू. ५ हजार र कदरपत्रसहित सम्मानित गरिएको छ।
स्कुलका प्रिन्सिपल सर्ण कुमार सम्बाहाम्फेले विद्यार्थीहरूको सफलतामा खुसी व्यक्त गर्दै युएन स्कुलका विद्यार्थीहरू पढाइका साथै अतिरिक्त क्रियाकलापमा पनि निरन्तर अब्बल साबित हुँदै आएको बताउनुभयो।‘हामीले किताबी ज्ञानका साथसाथै समयसापेक्ष र युग सुहाउँदो व्यावहारिक ज्ञान तथा तालिमको व्यवस्था गर्दै आएका छौँ, जसको परिणामस्वरूप हाम्रा विद्यार्थीहरूले प्रत्येक क्षेत्रमा उत्कृष्ट प्रदर्शन गरिरहेका छन् ।'- उहाँले भन्नुभयो।
त्यस्तै, स्कुलकी कार्यक्रम संयोजक तथा शिक्षिका सीता सुब्बा खापुङले युएन स्कुल सहभागी हुने अधिकांश प्रतियोगिताहरूमा उपाधि जित्न सफल भएको इतिहास रहेको बताउनु भयो ।
-(1)_1776947016.jpeg)
