इलाम / इलाममा अविरल वर्षासँगै गएरातिको पहिरोमा परी ज्यान गुमाउनेको सङ्ख्या ३७ पुगेको छ । पछिल्लो विवरणअनुसार यसअघि बेपत्ता भएका तीन जनाको शव प्राप्त भएसँगै ज्यान गुमाउनेको सङ्ख्या ३७ पुगेको जिल्ला प्रहरी कार्यालयका एसपी एकनारायण कोइरालाले जानकारी दिनुभयो ।
पहिरोमा परी ज्यान गुमाउनेमा माईजोगमाई गाउँपालिका–६ का २८ वर्षीय किरण थेवे, १८ वर्षीया मनमाया थेवे, तीन वर्षीया मुनुसा थेवे, माईजोगमाई–३ का ८२ वर्षीय बर्मालल सोङमी, ७० वर्षीया बुद्धमाया सोङमी, ४६ वर्षीय धनबल सोङमी, ४२ वर्षीया सरला सोङ्मी र १४ वर्षीया प्रकृती सोङमी रहेका छन् ।
यस्तै, फाकफोकथुम गाउँपालिका–३ का २८ वर्षीय सुरेश लिम्बू, सूर्योदय नगरपालिका–१ की ६५ वर्षीया मनमाया क्षेत्री र १० वर्षीया रस्मिका क्षेत्री, इलाम नगरपालिका–६ का २३ वर्षीय समिर देउजाली, प्रवीण गुरुङ र बिराज पाख्रिन तामाङले पहिरोमा परी ज्यान गुमाएका छन् ।
यस्तै, देउमाई नगरपालिका–५ का २२ वर्षीय रोशन लिम्बू, २२ वर्षीया बेबिसा राई, ३० वर्षीय दीपक लिम्बू, २७ वर्षीया ऋषिका लिम्बू, १० वर्षीया दिपिस्का लिम्बू, देउमाई–३ का २८ वर्षीय कृष्ण मगर र माई नगरपालिका–५ की ८ वर्षीया प्रिन्सिखा मगरको ज्यान गएको छ ।
पहिरोमा परी माङसेबुङ गाउँपालिका–१ का ५७ वर्षीया कृष्णमाया लिम्बू र ५० वर्षीया माया लिम्बू, सन्दकपुर गाउँपालिका–१ का ४३ वर्षीय भीमबहादुर राई, ६६ वर्षीया हरिमाया राई, ४७ वर्षीया देवी राई, ५४ वर्षीय शेखर राई, ७४ वर्षीया शारदा सेढाईं र ४८ वर्षीया तारादेवी राईको ज्यान गएको छ ।
पहिरोमा विभिन्न कामले इलाम आएका जिल्लाबाहिरका नागरिकले समेत ज्यान गुमाएका छन् । यसरी ज्यान गुमाउनेमा झापाको अर्जुनधारा नगरपालिका–६ की ३२ वर्षीया अनु तामाङ र ती वर्षीय आवास दनुवार, पाँचथरको फाक्तेपका नौ वर्षीय सौजन लिम्बू र ११ वर्षीय सौगात लिम्बू र मिक्लाजुङ गाउँपालिका–६ की १७ वर्षीया नेहा राई रहेका छन् । यस्तै, दोलखा घर भएका ४५ वर्षीय दीप बस्नेत, ४४ वर्षीया भवानी बस्नेत र १२ वर्षीया दिव्या बस्नेतको मृत्यु भएको छ ।
यस्तै, इलाम नगरपालिका–६ का ४८ वर्षीय महेन्द्र लिम्बू पहिरोमा बेपत्ता भएका र उहाँको खोजीकार्य जारी रहेको प्रहरी उपरीक्षक कोइरालाले बताउनुभयो । क्षतिको विवरण सङ्कलन गर्ने कार्य जारी रहेको पनि उहाँले जानकारी दिनुभयो । “सबैतिरबाट क्षतिको विवरण आउने क्रम जारी छ”, कोइरालाले भन्नुभयो, “सडक अवरुद्ध, विद्युत् र इन्टरनेटमा समस्याका कारण केही असहज छ, तथापि हामी लागिरहेका छौँ ।”
मृतकहरूको सूची
माईजोगमाई गाउँपालिका (८ जना)
१. किरण थेवे (२८ वर्ष) – वडा नं. ६
२. मनमाया थेवे (१८ वर्ष) – वडा नं. ६
३. मुनुसा थेवे (३ वर्ष) – वडा नं. ६
४. बर्मालल सोङमी (८२ वर्ष) – वडा नं. ३
५. बुद्धमाया सोङमी (७० वर्ष) – वडा नं. ३
६. धनबल सोङमी (४६ वर्ष) – वडा नं. ३
७. सरला सोङ्मी (४२ वर्ष) – वडा नं. ३
८. प्रकृती सोङमी (१४ वर्ष) – वडा नं. ३
फाकफोकथुम गाउँपालिका (१ जना)
– सुरेश लिम्बू (२८ वर्ष) – वडा नं. ३
सूर्योदय नगरपालिका (२ जना)
– मनमाया क्षेत्री (६५ वर्ष) – वडा नं. १
– रस्मिका क्षेत्री (१० वर्ष) – वडा नं. १
इलाम नगरपालिका (३ जना)
– समिर देउजाली (२३ वर्ष) – वडा नं. ६
– प्रवीण गुरुङ – वडा नं. ६
– बिराज पाख्रिन तामाङ – वडा नं. ६
देउमाई नगरपालिका (६ जना)
– रोशन लिम्बू (२२ वर्ष) – वडा नं. ५
– बेबिसा राई (२२ वर्ष) – वडा नं. ५
– दीपक लिम्बू (३० वर्ष) – वडा नं. ५
– ऋषिका लिम्बू (२७ वर्ष) – वडा नं. ५
– दिपिस्का लिम्बू (१० वर्ष) – वडा नं. ५
– कृष्ण मगर (२८ वर्ष) – वडा नं. ३
माई नगरपालिका (१ जना)
– प्रिन्सिखा मगर (८ वर्ष) – वडा नं. ५
माङसेबुङ गाउँपालिका (२ जना)
– कृष्णमाया लिम्बू (५७ वर्ष) – वडा नं. १
– माया लिम्बू (५० वर्ष) – वडा नं. १
सन्दकपुर गाउँपालिका (६ जना)
– भीमबहादुर राई (४३ वर्ष) – वडा नं. १
– हरिमाया राई (६६ वर्ष) – वडा नं. १
– देवी राई (४७ वर्ष) – वडा नं. १
– शेखर राई (५४ वर्ष) – वडा नं. १
– शारदा सेढाईं (७४ वर्ष) – वडा नं. १
– तारादेवी राई (४८ वर्ष) – वडा नं. १
जिल्लाबाहिरका नागरिक (९ जना)
– अनु तामाङ (३२ वर्ष) – अर्जुनधारा नगरपालिका–६, झापा
– आवास दनुवार – अर्जुनधारा नगरपालिका, झापा
– सौजन लिम्बू (९ वर्ष) – फाक्तेप, पाँचथर
– सौगात लिम्बू (११ वर्ष) – फाक्तेप, पाँचथर
– नेहा राई (१७ वर्ष) – मिक्लाजुङ गाउँपालिका–६, पाँचथर
– दीप बस्नेत (४५ वर्ष) – दोलखा
– भवानी बस्नेत (४४ वर्ष) – दोलखा
– दिव्या बस्नेत (१२ वर्ष) – दोलखा
बेपत्ता
– महेन्द्र लिम्बू (४८ वर्ष) – इलाम नगरपालिका–६
