धरान / धरान–१७ श्री माविस्थित बास्केटबल कोर्टमा जारी हराइजन कप राष्ट्रिय बास्केटबलको फाइनलमा विभागीय टिम त्रिभुवन आर्मी क्बलले उपाधी जितेकाे छ ।
मंगलबार भएको फाइलन खेलमा आयोजक धरान कालोलाई पराजित गदैं आर्मीले उपाधी जितेको हो । आर्मीले ११३ अङ्क जोडेदा कालो धरानले ७० अङ्क बनाएको थियो । उपाधीसँगे विजेताले ट्रफी सहित नगद १ लाख ५१ हजार १ सय ११ रुपैयाँ र उपविजेताले ७५ हजार रुपैयाँ प्राप्त गरेका छन् ।
प्रतियोगितामा ६ वटा टिमहरू त्रिभुवन आर्मी, बिशाल मिलन केन्द्र काठमाडौँ, हाउण्ड बास्केटबल, मोरङ बास्केटबल संघ, झापा बास्केटबल संघ, धरान निला र धरान रातो गरि ६ वटा टिमको सहभागिता रहेको थियो ।
राससकर्मी राई सम्मानित
राष्ट्रिय समाचार समिति (रासस) धरानकी समाचारदाता संगीता राई (स्वर्णिम)लाई हराइजन क्लब धरानले सम्मान गरेको छ ।
गत चैत्र ९ गते शनिबारबाट धरानमा सुरु भएको ९औँ हराईजन राष्ट्रिय बास्केटबल रनिङ कपको मंगलबार समापनमा प्रमुख अतिथि १७ नं. वडाका वाडध्यक्ष मनोज भट्टराई (सूर्य)ले उहाँलाई सम्मान गर्नु भएको थियो ।
बास्केटवल खेल र हराइजन क्लबको गतिविधिहरुलाई समाचार सम्प्रेषणमा योगदान दिएको भन्दैं रु. १० हजार नगद र सम्मानपत्रले सम्मान गरिएको क्लबका अध्यक्ष भक्त राईले जानकारी दिनु भयो । उहाँले प्रतियोगिता अवधी भरी समाचार सम्प्रेषण गर्नु भएको थियो ।
