धरान / विद्यार्थीलाई नेतृत्व निर्माण गर्ने थलोको रुपमा चिनिएको त्रिभुवन विश्वविद्यालय (त्रिवि) को स्वतन्त्र विद्यार्थी युनियन (स्ववियु) निर्वाचन देशभरिका अधिकांश क्याम्पसमा आज हुँदैछ ।
धरानका तीन वटा क्याम्पसमा चुनाव हुँदैंछ । महेन्द्र बहुमुखी क्याम्पस धरानमा पुरानो विरासत फर्काउनका लागि नेपाल विद्यार्थी सङ्घ र अनेरास्ववियुको संयुक्त गठबन्धन प्यानल बनाई चुनावी मैदानमा उत्रिएका छन् । दुई संगठनबाट संयुक्त प्यानल बनाएर मैदानमा उत्रिएका हुन् । २०६५ साल अगाडि अनेरास्ववियु र नेविसंघले आलोपालो नेतृत्व हत्याउदैं आए पनि पछिल्लो दुई कार्यकाल भने समाजवादी युनियनले जितेको थियो ।
यो पटक क्याम्पसको सर्वाणि विकास तथा आमुल शैक्षिक सुधारका लागि दुई संगठनबाट साझा उम्मेद्वार उठाइएको ती संगठनहरुले बताएका छन् । सभापतिमा राजनीतिशास्त्रमा एम. ए. दोश्रो बर्षमा अध्ययन गदैं आएका प्रशान राईको उम्मेद्वारी रहेको छ । पत्रकारितामा पनि स्नातक गरेका राई विद्यार्थी राजनीतिमा राम्रो छवि भएको इमान्दार व्यक्तिको रुपमा विद्यार्थीवृतमा चिनिन्छन् । उनको पारिवारिक पृष्टभूमी पनि राजनीति भएको र विद्यार्थी हकहितका लागि क्रियाशिल रहेकाले पनि उनलाई नेतृत्वका लागि छानिएको त्यहाँ अध्ययनरत विद्यार्थीहरुले बताएका छन् । महेन्द्र क्याम्पसमा ४ हजार बढी विद्यार्थीहरु अध्ययनरत छन् ।
मैदानमा समाजवादी युनियनबाट युवराज राई, अखिल क्रान्तिकारीबाट तेजबहादुर राई र अखिल क्रान्तिकारी मोहन बैद्यसमुहबाट अमृता राई सभापतिको दावेदारीमा छन् ।
विद्यार्थीहरुको समस्या सुल्झाउन क्याम्पसका हरेक गतिविधी थप व्यवस्थित बनाउन र क्याम्पस प्रशासनसँग निडर भएर समन्वय गर्न नयाँ नेतृत्व आवश्यक भएकाले प्रशान राईलाई अघि सारिएको विद्यार्थी नेता आलेमगरले बताए ।
सयुक्त प्यानलले गर्ल होस्टेल सुचारु गर्ने, क्याम्पस हाता भित्र निशुल्क वाइफाई जडान गर्ने, डिजिटल लाइबेरी संचालन गर्ने, विद्यार्थीहरुका लागि सेमिनार, गोष्टी आयोजना गर्न पहल गर्ने, व्यवस्थित चमेना र्गह बनाउने, शैक्षिक क्यालेण्डर निर्माण गर्ने, विविए र वीवीएमको फिल्ड भिजिटको रकम बढाइने, विभिन्न विभागका उत्कृष्ट विद्यार्थीहरुका लागि छुट्टै छात्रावृत्ति व्यवस्थापन गर्नेलगायतका प्रतिवद्धता प्रशानको टिमले सार्वजनिक गरेको छ । ‘विद्यार्थीको समास्या बुझेको, क्याम्पस प्रशासनसँग नजिक रहेका बैचारिक व्यक्ति हाम्रो उम्मेद्वार भएकाले जित सुनिश्चित भएको विद्यार्थी आलेमगर बताउँउनु हुन्छ ।
सभापतिका प्रत्यासी राईका बाजे भोजपुर निवासी ध्यानबहादुर राई पूर्व विट्रिस गोर्खा शैनिक हुनुहुन्छ । उहाँ पनि राजनीतिकमा सकृय हुनुहुन्थ्यो। प्रशानका वुवा नरेन्द्र राई (प्रविण) नेपाली काङ्ग्रेस धरान उपमहानगरका उपसभापति हुनुहुन्छ । दोश्रो कार्यकालका लागि १८ नं. वडाध्यक्षको रुपमा काम गरिरहनु भएको छ । प्रशानको राजनीतिक पृष्ठभूमी पनि राम्रो भएको कारण नेतृत्व हत्याउने विद्यार्थीवृत्तमा चर्चा छ ।
उहाँको टिममा उहाँजस्तै जुझारु बैचारिक विद्यार्थीहरु सचिवमा पवन बसनेत, कोषध्यक्षमा आलोक लिम्बु मैदानमा रहनु भएको छ । यस्तै सदस्यहरुमा ज्ञानेश राई, निरज राई, अस्मिन लिम्बु, स्मृति राई, देवानी राई, विशाल लिम्बु, विराज श्रेष्ठ र म्हार म्हेन्दो तामाङ रहनु भएको छ ।
स्ववियु शैक्षिक गुणस्तर कायम गर्न तथा सरकारको प्रतिपक्षका रुपमा काम गर्ने माध्यम भएकाले आफु त्यसको नेतृत्व गर्न इच्छुक भएको सभापतिका प्रत्यासी प्रशान बताउँनु हुन्छ । यता युवराज पनि स्ववियुमा काम गरिसकेकाले बलियो प्रतिस्पर्धी मानिन्छन् ।
