धरान / आज काठमाडौं उपत्यकासहित पहाडका जिल्लाहरुमा होली पर्व मनाइएको छ । शुक्रबार तराईका जिल्लाहरुमा होली पर्व मनाइदैंछ । होली खेल्नेक्रममा विभिन्न अवाञ्छित गतिविधी पनि हुने गरेका छन् । यस्ता गतिविधी नियन्त्रण गर्न इलाका प्रहरी कार्यालय धरानले धरान उपमहानगर भरी १५० जना प्रहरी परिचालन गरेको छ ।
होलीमा अवाञ्छित गतिविधी गर्ने, होली नखेल्नेहरुलाई जव्वरजस्ती रङ्ग लगाउने तथा अपराधिक गतिविधीमा संलग्न हुनेलाई नियन्त्रणमा लिन धरानका विभिन्न नाकामा चेकपोइन्ट थापिएको इप्रका धरानका डिएसपी प्रकाश जवेगुले जानकरी दिनु भयो । प्रहरीको १८ वटा युनिट खडा गरि प्रहरी परिचालन गरिएको उहाँले जानकारी दिनु भयो ।
‘झैझगडा गर्ने, अरुलाई विना अनुमति रङ्ग दल्नेहरु यसपटक ट्राफिक कारबाही मात्रै गरिँदैन, उनीहरुलाई होली मनाउन नपाउने गरी दिनभर सडकमा रोकिने छ ।’– डिएसपी जवेगुुले भन्नु भयो । शुक्रबारको चेकजाँच अरु दिनको भन्दा विशेष हुने उहाँले बताउनु भयो । संकास्पद व्यक्तिको झोला, स्कुटीको डिकीलगायत चेक गरिनुका साथै मापासे चेकिङ हुने उहाँले बताउनु भयो । ‘अपराध नियन्त्रणका लागि तालिम प्राप्त कुकुरहरुसमेत तयारी अवस्थामा राखिएको छ । रिजर्भ टोली, गाडी मोबाइल, पिकेट ड्युटी, पैदल गस्ती, चेकिङ टोली, आकस्मिक चेकिङ, क्यूआरटी परिचालन गरिने छ’–डिएसपी जवेगुले भन्नु भयो–‘होली मर्यादित तवरले मनाउन हाम्रा मताहतका निकाय मार्फत सबैलाई सूचनासमेत गरेका छौं ।’
होलीलाई मर्यादित उल्लासमय वातावरणमा मनाउने वातवरण बनाउन डिएसपी आफै सुरक्षामा खेटेको उहाँले जानकारी दिनु भएको छ । यस्तै ट्राफिक प्रहरी र जनपथ प्रहरीले संयुक्त रूपमा जाँच अभियान चलाउनु भएको छ । हरेक ठाउँमा संयुक्त परिचालन भएको र मादक पदार्थ सेवन तथा लागु पदार्थ सेवनका लागि आवश्यक उपकरण तथा टोली संयुक्त रूपमा खटाइएको पनि डिएसपी जवेगुले बताउनु भएको छ । सामान्य गल्ती गर्नेलाई दिन भरी सडक मै राखिने छ र गम्भीर अपराध गर्नेलाई कानुन अनुसारको मुद्दा चलाइने प्रहरीले जनाएको छ।
प्रहरीले आफ्ना नजिकका र चिनेजानेकासँग मात्रै होली खेल्न अनुरोध गरेको छ । त्यसरी खेल्दा आपसी भाइचारा वृद्धि हुने गरी र सौहार्दपूर्ण तथा संस्कृतिअनुसार होली मनाउन अनुरोध गरेको छ । त्यसैगरी जिल्ला प्रशासन कार्यालय सुनसरीले पनि मर्यादित भएर होली खेल्न अनुरोध गर्दै उच्छृङ्खल रूपमा होली खेले कानुनी कारबाही गर्ने जनाएको छ । विहीबार काठमाडौँ उपत्यकालगायत पहाडी जिल्लामा होली पर्व मनाइएको थियो भने शुक्रबार तराईमा होली पर्व मनाइदैंछ ।
सप्तरी प्रहरीले होलीका लागि ५ सय २३ प्रहरी परिचालन, ड्रोनबाट समेत सुरक्षा निगरानी गरिने
जिलला प्रहरी कार्यालय सप्तरीले होलीका लागि ५ सय २३ प्रहरी परिचालन, ड्रोनबाट समेत सुरक्षा निगरानी गरिने जनाएको छ ।
यसका लागि रिजर्भ टोली, गाडी मोबाइल, पिकेट ड्युटी, पैदल गस्ती, चेकिङ टोली, आकस्मिक चेकिङ, क्यूआरटी परिचालन गरिने एसपी ढकेन्द्र खतिवडाले जानकारी दिनु भएको छ ।
११ प्रकारका ड्युटीमा ५ सय २३ प्रहरी परिचालन हुने उहाँले बताउनु भयो । राजविराजमा भने सुरक्षा निगरानीका लागि ड्रोनको समेत प्रयोग गरिने भएको छ ।
सिमानाकाका प्रहरी इकाइहरुले भारतीय प्रहरीसँग समन्वय गरी गैरकानुनी गतिविधि नियन्त्रण र रोकथाम गर्ने, जबरजस्ती रंग दल्ने, लोला हान्ने, मापसे गरी होहल्ला गर्नेलाई तत्काल नियन्त्रणमा लिएर कारबाही गर्ने एसपी खतिवडालेजानकारी दिनु भयो ।
