दसैंमा धरानको कृषी बजारमा खसी बोकाको कारोवार न्युनः वाख्रा पालक कृषकको दसैं खल्लो गत बर्ष २४ करोडको कारोवार हुँदा यो बर्ष २० करोकको मात्र कारोवार, १५ सय खसी बोका कृषकले फिर्ता लगे

धरान  / यस बर्ष धरानको कृषी उपज बजारमा दसैंका लागि आएका खशी बोकाको कारोवार घटेको छ । मुलुकमा आर्थिक मन्दी भएका कारण खशी बोका प्रयाप्त मात्रामा आए पनि कारोवार भने घटेको हो । 

खसी बोका विक्रि नभए पछि कृषकहरुले त्यतिकै फर्काएर घर लगेका छन् । टाडाबाट ल्याइएका खसी बोका नविकेर कृषी बजारको खोरमा राखिएको बजारका व्यवस्थापक लक्ष्मण भट्टराईले जानकारी दिनु भयो । 

उहाँका अनुसार गाउँबाट खुसी बोका प्रसस्त आए पनि विक्रि भएनन् । यो दसैंमा २० करोडको खसी बोका कारोवार भएको छ । गत बर्ष १२ सय खसीबाट २४ करोडको कारोवार भएको छ । आर्थिक बन्दीले यो बर्ष चार करोड नोक्सान भएको व्यवसायीहरुले जनाएका छन् । 

कृषकहरुले आफ्ना खसी बोका विक्रि नभएर एक हजार वटा त्यतिकै फुलपातिको भोली पल्टर पर्सी पल्ट घर लिएर गएको व्यवस्थापक भट्टराईले जानकारी दिनु भयो । करिव २ सय खसी भोलीको शुक्रबारे हाटमा सस्तो दाममा भए पनि विक्रिका लागि कृषी बजार मै छाडेका छन् । यस पटक धेरै बाख्रा पालक कृषीको दसैं नआएको उहाँले बताउनु भयो । खसी बेचेर दसै मनाउने सुरले ४ वटा खसी लिएर धरान आउनु भएका धनकुटाका कृषक वीरेन्द्र राईको तनि वटा खसी विक्रि भएन । यस पटकको दसै खल्लो भएको उहाँले बताउनु भयो । उहाँले तीन वटा खसी घर फिर्ता लिएर जानु भएको छ । 

आर्थिक मन्दीको कारण दसैंमा खसी बोको कारोवार अत्यन्त कम भएको व्यवसायी गोपालप्रसाद पराजुलीले बताउनु भयो । धेरै खसी बोका फिर्ता गएको उहाँले बताउनु भयो ।   कतिपय व्यपारीहरुले गाउाबाट किनेर ल्याएको मूल्य भन्दा कम मूल्यमा विक्रि गरेका छन् । कृषी बजारमा अघिल्लो बर्ष प्रतिकेजी ६ सयको हिसावले खरिद विक्रि भएको थियो तर यो बर्ष प्रति केजी ५ सयले दिदा पनि उपभोक्ताहरुले खसी नकिनेको व्यापारी गोविन्द भण्डारीले बताउनु भयो । 

कृषी बजारमा दसैंको बेला उदयपुर, खोटाङ देखि मेची कोरिडोरका पाँचथर र कोशी करिडोरका सबै जिल्लाहरुबाट कृषी बजारमा विक्रि वितरणका लागि कृषकहरुले ल्याउने गरेका छन् । गत वर्ष माग अनुसारको खसी बोका आपूर्ति हुन सकिरहेको थिएन तर यो बर्ष प्रयाप्त खसी बोका आए पनि विक्रि कम भएको कृषी बजारले जनाएको छ ।