धरान ।वन समुहको उपभोक्ताको लागि पानबारी सामुदायिक वन उपभोक्ता समितीले सुन कागती प्रदान गरेको छ ।
समितीले आज वन कार्यालयमा नै उपभोक्तालाई उक्त सुनकागती वितरण शुरु गरेको छ । अध्यक्ष भुपाल राईका अनुसार धनकुटाबाट ल्याइएको उन्नतजातको सुनकागती उपभोक्तालाई वितरण गरिएको हो । उहाँले भन्नु भयो,‘उपभोक्तालाई यस अघि पनि तेजपातको विरुवा र अमिलो सहित वितरण गरिसकेका छौ,आज फेरी धनकुटाको कागती उपभोक्ताको लागि वितरण गरिएको हो,क्रमस अन्य विरुवाहरु पनि वितरण गरिदै जाने छौं ।
उहाँका अनुसार हरेक उपभोक्तालाई बोट विरुवा लगाएर वातावरण स्वच्छ र हराभरा वनाउने अभियानमा बन समिती लागे परेको छ ।
नेपाली काग्रेस धनकुटाका जिल्ला सभापति दिनेश राई र सुनसरी क्षेत्र नम्बर १ का सभापति सजेन्द्र तामाङको विशेष पहल र सहयोगमा उक्त कागती उपभोक्तालाई बितरण गरिएको हो।
पहल र सहयोगको लागि समन्वयकारी गर्नु हुने दुवैजनालाई पानबारी वन समिती र अध्यक्ष राईको तर्फबाट हार्दिक आभार र धन्यबाद दिनु भएको छ ।
