धरान।डेङ्गुको माहामारी नियन्त्रणको लागि नेकपा एमाले धरान उपमहानगर कमिटीले बिशेज्ञ सहितको टोली लिएर लार्भा सर्च एण्ड डिस्ट्रोय साथै स्प्रे अभियान आजदेखि सुरु गरेको छ ।
उक्त अभियान धरान–८ स्थित सभागृहबाट सुरु गरेको हो । नेकपा एमालेका नेता कार्यकर्ता सहभागी भएर नियन्त्रणको अभियान सन्चालन गरेको नेकपा एमाले धरान उपमहानगर कमिटीका सचिव राजेन्द्र राईले वताउनु भयो । उहाँले भन्नु भयो,‘जनचेतना सहित ३ चरणको कार्यक्रम नर्मल स्प्रे,हेभी स्प्रे र फगिङ गर्ने अभियान चलाएका छौं ।
पार्टी अध्यक्ष हर्कजंग एभेङका अनुसार डेङ्गु नियन्त्रणको अभियानलाई २० वटै वडामा सन्चालन गरिने वताउनु भएको छ । उहाँले भन्नु भयो,‘पार्टीको वडा कमिटीसँग समन्वय गरेर हरेक वडामा डेङ्गु नियन्त्रणको अभियान सन्चालन गर्ने छौ, हामीसँग आधा दर्जन विशेषज्ञ टोली सहित डेङ्गु नियन्त्रण गर्न खटिएका छौं ।’
अभियानमा एमाले कार्यकर्तासँगै निर्वाचित सदस्य, कार्यपालिका सदस्य, वडाध्यक्ष, सांसद तथा निवर्तमान सांसदहरुको उपस्थिति रहेको थियाे ।
