मोरङ । सरकारले गरेको प्रस्तावित शिक्षा ऐनको कोशी प्रदेशमा निजी शिक्षण संस्थाका सञ्चालकहरुले विरोध जनाएका छन् । उक्त प्रस्तावित ऐनको विरोध गर्दै संशोधनको माग सहित आन्दोलन घोषणा समेत गरेका छन् ।
वुधबार विराटनगरमा निजी शिक्षण संस्थाका सञ्चालकहरुले पत्रकार सम्मेलन गर्दै साउन २८ गतेदेखि निजी विद्यालयहरु अनिश्चितकालिन वन्दको घोषणा समेत गरेका छन । उक्त पत्रकार सम्मेलनमा नेसनल प्याब्सन कोशीका अध्यक्ष राजन पौडेल, हिसानका प्रदेश अध्यक्ष ज्ञानबहादुर खड्का र प्याब्सनका कोशी प्रदेश अध्यक्ष टिकाराम ढकालले संयुक्त पत्रकार सम्मेलन गर्दै विधेयकको मस्यौदा संसोेधनका लागि शिक्षण संस्था बन्ददेखि तालाचाबी जिम्मा लगाउने घोषणा समेतको सरकारलाई चेतावानी दिएका छन् ।
प्रस्तावित शिक्षा ऐनमा के छ ?
सरकारले ल्याएको प्रस्तावित शिक्षा ऐनमा निजी शिक्षण संस्थालाई पाँच वर्ष भित्र गुठी अन्तरगत लैजाने प्रावधान रहेको छ । सरकारले भने ५२ वर्षअघि जारी भएको शिक्षा २०२८ लाई प्रतिस्थापन गर्न सरकारले ‘विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक २०८०’ संसदमा पेश गर्ने तयारी गरेको छ । यो विधेयक मन्त्रीपरिषद्बाट पारित भइसकेको छ ।
