धरान । डेङगुको प्रकोप धरानमा जताततै फैलिँदै गएर जन जीवन अति प्रभावित भएपछि धरान ६ पानबारीमा सामुदायिक वनले पनि उपभोक्ताको लागि भनेर फगिङ गर्ने कार्य शुरु गरेको छ ।
पानबारी सामुदायिक वन उपभोक्ता समुहको अगुवाईमा वन उपभोक्ताको टोल वस्तीमा फगिङ गर्ने कार्य शुरुवात गरिएको वन समितीका अध्यक्ष भुपाल राईले वताउनु भएको छ । उहाँका अनुसार सोमबारदेखि सामुदायिक वन उपभोक्ताको टोल वस्तीमा गएर लामखुट्टे नष्ट गर्नको निम्ति उक्तm फगिङ गर्ने कार्यको शरुवात गरिएको हो ।
सामुदायिक वनले धरान उपमहानगरपालिकाको स्वास्थ्य महाशाखासँग समन्वयमा गरिएको हो । वन समितीका अध्यक्ष राईका अनुसार आज सम्म उक्त कार्य सकिने र फेरी पनि डेङ्गु नियन्त्रणको निम्ती अरु कार्यहरु पनि गरिने वताइएको छ । यस अघि ६ नम्बर वडा समितीले. पनि फगिङ गरेको थियो ।
