एसइई स्पिकरको उपाधी बराहक्षेत्रकी एन्जिलाले जितिन कार्कीले नगद २० हजार रुपैयाँ साथै प्लस टु पढ्न पूर्ण छात्रवृत्ति प्राप्त

धरान  ।धरानमा भएको  एसइई स्पिकर २०८० को उपाधि बराहक्षेत्र  नगरपालिका स्थित बाल मन्दिर नडाहाकी एन्जिला कार्कीले जित्नु भएको छ । 

र्याडीकल लाइट नेपालले धरानमा सञ्चालन गरेको प्रतियोगिताको  शनिबार फाइनल भएको थियो भने विजेता कार्कीले पुरस्कार स्वरूप नगद २० हजार रुपैयाँ साथै प्लस टु पढ्न पूर्ण छात्रवृत्ति प्राप्त गर्नु भयो । 

अन्तिम चरणको प्रतियोगितामा फष्ट रनरअपको उपाधि शारदा बालिका स्कुलकी अनुशा राईले हासिल गरिन् । उनले नगद १५ हजार रुपैयाँ, प्लस टु अध्ययनमा ७० प्रतिशत छात्रवृत्ति प्राप्त गर्नु भएको छ ।

सेकेण्ड रनरअप सरस्वती मावि पानमारीकी स्नेहा निरौला हुनु भयो । उहाँले नगद १० हजार रुपैयाँ, प्लस टु अध्ययनमा ६० प्रतिशत छात्रवृत्ति प्राप्त गर्नु भएको छ  ।

थर्ड रनरअप सान्त्वना पुरस्कार चन्द्र संस्कृत माविका सागर दाहालले प्राप्त गर्न भयो भने नगद ५ हजार रुपैयाँ, प्लस टुमा ५० प्रतिशत छात्रवृत्ति प्राप्त गर्नु भएको छ । जेठ २० गते भएको सेमिफाइनलबाट उत्कृष्ट १० जना फाइनलमा प्रवेश गरेका थिए ।

प्रतियोगितामा बेस्ट परफरमेन्स जनता मावि नडाहाकी अनिता कार्की, बेस्ट टेयालेन्ट धरान आदर्श बोर्डिङ माविका सुदर्शन ढुङ्गेल, मस्ट सिन्सियर सरस्वती माविकी बिपना मग्राति घोषित ह्नु भयो ।

मस्ट पङ्चुअल जडेजा मावि कालाबन्जारकी मुना कटुवाल, मस्ट एक्टिभ सरस्वती माविका दिनेश खरेल, मस्ट डिसिप्लिन नबोदय विद्या मन्दिरकी सोप्रीया राई घोषित हुनु भयो भने उहाँहरुले  प्रमाणपत्र र प्लस टुमा ३० प्रतिशत छात्रवृत्ति प्राप्त गर्न भएको छ ।

धरान–१३ वडा कार्यालयको सभाहलमा भएको अन्तिम प्रतिस्पर्धा तथा समापनमा प्रमुख अतिथि शिक्षा  मन्त्री अशोक  राईले प्रतियोगीहरूलाई  पुरस्कार प्रदान गर्नु भएको थियो । 

धरान –१३ का वडाध्यक्ष नेत्र प्रसाद काफ्ले, वडा १४ का अध्यक्ष कृष्ण प्रसाद लगायतले शुभकामना दिनु भएको थियो । प्रतियोगिताको निर्णायकहरूमा महेन्द्र क्याम्पसका उपप्राध्यापक राजेश विद्रोही, सहिद स्मृति माविका शिक्षक टङ्क प्रसाद भट्टराई हुनु हुनु हुन्थ्यो ।