धरानमा डेङ्गुकाे विरामी बढेको बढ्यै,उप मेयरलाई पनि डेङ्गु ५ वर्ष अघिको जस्तै प्रकोप फैलिने अवस्था

धरान । धरान उपमहानगरपालिकामा डेङ्गुकाे विरामी बढेको बढ्यै छन् । 

करिव १० दिन अघिदेखि धरानका हरेक वडामा डेङ्गु संक्रमितका विरामी छन् तर अहिले सम्म स्थानीय सरकार धरान उपमहानगपालिकाले यस्को नियन्त्रण र विरामीको औषधी उपचारको निम्ति कुनै चासो देखाउन सकेको छैन् ।

अहिले अवस्था डेङ्गुको विरामीहरुको संख्या दिनानु दिन वढिरहेको छ ।घरमा  नै वसेर औषधी उपचार गराइएर वसेकाहरु सिकिस्त भएपछि थप उपचारको लागि अस्पताल जान थालेका छन् । सिकिस्त विरामीहरु वेड भर्ना भएर उपचार गराउँदैछन् । धरान उपमहानगरपालिकाको  स्वास्थ्य महाशाखाले दिएको जानकारी अनुसार धरानमा दैनिक जसो १ सय भन्दा वढी डेङ्गु सक्रमणबाट विरामी पर्न थालेका छन् ।

अव धरानमा डेङ्गुले फेरी यो भन्दा ५ वर्ष अघिको जस्तै प्रकोप फैलिने अवस्था भएको स्वास्थ्य महाशाखाको अनुमान छ । स्वास्थ्य महाशाखा प्रमुख उमेश मेहताका अनुसार दिनानु दिन सक्रमण फैलिई रहेको छ,यसका लागि भोलीदेखि नियन्त्रणको उपाय गर्ने तयारी छ । उहाँले भन्नु भयो,‘प्राय सबै वडामा समस्यसा दखिएको छ, एकदमै ग्रसित एरिया भनेको धरानको ८,११,१५, १८, १६ र १७ रहेका छन्।’ १७ नम्बर वडामा त एक जना महिलाको डेङ्गु संक्रमणकै कारण मृत्यु पनि भएको पुष्टि भएको छ ।    

उहाँका अनुसार धरान उपमहानगरपालिकाले भोलीदेखि मात्रै ‘सर्च एण्ड डिस्ट्रोय’ अभियान सुरु गर्ने वताइएको छ ।

यसैवीच धरान उपमहानगपालिकाका उप मेयर आइन्द्र विक्रम वेघालाई पनि डेङ्गु संक्रमण भएको छ । स्वकीय सचिव खेम रणपहेलीका अनुसार स्वास्थ्य चेक जाँच गर्दा रिपोट पोजिटिभ आएको र स्वास्थ्य अवस्था सामान्य रहेको वताउनु भयो।.