धरान । मोरंगको केरावारी गाउपालिका अन्र्तगतको याङ्शिला–सतिसालेमा शनिवार भएको वृहत एक दिने निःशुल्क आँखा शिविरमा २ सय ७६ जनाले आँखा जाँच गराएका छन् ।
साना किसान कृषि सहकारी संस्था लिमिटेड,पाटी केराबारी मोरंग अन्र्तगत रहेको सतिसाले सेवा केन्द्रको आयोजना र नव दृष्टि आई अस्पताल इटहरीको प्रावधिक सहयोगमा उक्त आँखा शिविर सम्पन्न भएको हो ।
आयोजक सतिसाले सेवा केन्द्रका संयोजक एवम् सहकारी सस्थाको सन्चालक सदस्य समेत रहेका शंकर दाहालका अनुसार शिविरमा १० वर्ष उमेरका बालबालिका देखि ९१ बर्ष उमेरका जेष्ठ नागरिक समेतले आँखा जाँच गराएका थिए ।
उपचार गराएर घर सम्मकै यातायात व्यवस्था सहित नव दृष्टि आई अस्पताल इहटरीमा मोती विन्दु भएका विरामीले निशुल्क अप्रेशनको व्यवस्था समेत गरेको सेवा केन्द्रका संयोजक दाहालले बताउनु भयो ।
शिविरमा सहभागि मध्ये १८ जनालाई आँखामा मोती विन्दुको समस्या देखिएको थियो भने आँखाको समस्या भएकालाई निशुल्क औषधी समेत वितरण गरिएको थियो ।
शिविरको औपाचारिक कार्यक्रमका प्रमुख अतिथी केरावारी गाउपालिका वडा नम्बर ५ का वडाध्यक्ष अजय लिम्वु रहनु भएको थियो भने विशिष्ट अतिथी साना किसान कृषि सहकारी संस्थाका अध्यक्ष हरि बहादुर वस्नेत र अतिथीहरु संस्थाकै प्रवन्धक अमर बहादुर राई,लेखा सदस्य खगेन्द्र लिम्वू,पानवारी प्रहरी चौकी इन्चार्ज योग्य सुवेदी लगायतको उपस्थितीमा भएको थियो । कार्यक्रम सन्चालन सेवा केन्द्रका सचिव कमल कुमार मगरले गर्नु भएको थियो ।
