उदयपुर /नेपाल पत्रकार महासंघ काेशी प्रदेश समिति विराटनगरले ३ दिने मल्टिमिडिया तालिम उदयपुरकाे बेलका नगरपालिकामन शुक्रबारदेखि शुरु गरेको छ । आन्तरिक मामिला तथा कानुन मन्त्रालय काेशी प्रदेशकाे सहयाेगमा भएकाे कार्यक्रममा भोजपुर, धनकुटा, सुनसरी, मोरङ, उदयपुर, खाेटाङ, आेखलढुङ्गा, साेलुलगायत जिल्लाबाट सहभागिता रहेकाे छ ।
कार्यक्रममा पत्रकार महासंघका केन्द्रीय सदस्य भिष्ण राई, पत्रकार महासंघ कोशी प्रदेशका अध्यक्ष लिलाबल्लभ घिमिरे,उपाध्यक्ष हेमा चेम्जोङ, महासचिव विवेक गौतमले पत्रकारितामा टिकिरहन मल्टिमिडियाकाे ज्ञान जरूरी भएकाे बताउनु भएकाे छ ।
पत्रकार महासंघका उदयपुर जिल्ला अध्यक्ष भरत खडकाले सहभागिहरूलाई स्वागत गर्नु भएकाे थियाे ।
कार्यक्रममा वेलका नगरपालिका मेयर अशोक कार्कीले नगरकाे बस्तुस्थितिबारे जानकारी गराउनु भयाे ।
आइतबारसम्म चल्ने तालिममा सहभागिहरूलाई मल्टिमिडिया प्रयाेगमा पाेख्त बनाउन आवासिय तालिमकाे आयाेजना गरिएकाे तालिम संयाेजक देवेन्द्र कार्कीले जानकारी दिनु भयाे ।
तालिमकाे सहजिकरण भिषण राईले गरिरहनु भएकाे छ ।
