धरान । भोलीदेखि देखि काठमाडौमा हुन लागेको मदन भण्डारि ओपन बास्केटबल प्रतियोगितामा प्रतिस्पर्धाका लागि आज( विहीबार ) धरान महिला बास्केटबल टिम काठमाण्डौ प्रस्थान गरेको छ ।
धरान महिला टिमलाइ धरान रंगशाला बास्केटबल कोर्टमा सुनसरी बास्केटबल संघका अध्यक्ष नारायण सुबेदीले वुधबार जर्सी हस्तान्तरण गर्दै बिदाइ गर्नु भएको थियो । मदन भण्डारी स्पोर्ट्स एकेडेमीको आयोजनामा हुन लागेको महिला पुरुष ओपन बास्केटबल प्रतियोगितामा धरानबाट महिला टिमले सहभागिता जनाउन लागेका हुन् ।
धरान बाट राष्ट्रिय खेलाडी डा. आशा राइको कप्तानिमा तनु राई, आस्था राई, एल्भिना गुरुङ्ग, इक्सा लिम्बू रन्जिता, रेनुका लिम्बू, निवा लिम्बू, नुमा लिम्बू, महिमा कटुवाल र दिया कोयु राई रहनु भएको छ भने प्रशिक्षकमा बिकाश चाम्लिङ राई र सहायक प्रशिक्षकमा युगल लिम्बू हुनु हुन्छ ।
महिला तर्फ ६ वटा टिम रहेको मध्ये काठमाडौ बाहिर बाट धरान महिला टिमले मात्र सहभागिता जनाएको छ । राउन्डरोबिन आधारमा हुने प्रतियोगितामा धरानले ५ खेल खेल्नेछन । बिदाइ कार्यक्रममा सुनसरि बास्केटबल संघका अध्यक्ष सुवुदीले खेलाडीहरुलाइ सफलताको शुभकामना दिदैं अनुशासित भएर आफुले सक्दो उत्कृष्ट प्रदर्शन गरेर विजय हासिल गर्न खेलाडीहरुलाई आग्रह गर्न् भयो ।
