- माेतिराज सुनुवार
म जस्तै एउटा साथी थियो ।
म राम्रो हो कि होइन ?
थाहा छैन ।
मलाई लाग्थ्यो ,
ऊ भने म जस्तै थियो ।
माथिबाट यो गर्ने , त्यो गर्ने ,
निर्देशन हुन्थ्यो ।
काम सम्पन्न गर्न ,
कहिले ऊ अगाडि ,
कहिले म अगाडि भएर हिड्थ्यौं ।
चना , भूजामा हामी उस्तै गरेर रमाउथ्यौं ।
चउरिमा नै पनि निदाउथ्यौं ।
एकले अर्कालाई दुःख , सुखका कुरा सुनाउथ्यौं ।
हामीले महिनौं गार्डको ट्रेनिङ लियौं ।
न भत्ता माग्यौं ,
न मासु भात नै माग्यौं !
हामीले हामीलाई नै सम्पूर्ण ठान्यौं ।
गार्डको काम खुब गर्यौं ।
अरुले चिया खाएर फ्यांकेको , फोहर गरेको ,
खुब सफा गर्यौं ।
मुड्की उठाएर आउनेलाई तह लगाउन पनि ,
अग्रिम मोर्चामा उभियौं ।
यसरी संगै हिड्यौं ,
संगै खायौं ।
मलाई सधै लाग्थ्यो ऊ ,
म जस्तै छ ।
तर हैन रहेछ ।
मैले मात्र त्यस्तो सोच्दो रहेछु ।
साथी त मलाई कहिलै नभेट्ने गरि ,
टाढा भागे छन ।
मैले आफूलाई धोका दिएको महसुस गरे ।
म मात्र एक होरो माया गर्दो रहेछु ,
झै मनमा लाग्यो ।
एक वचन सोधेको भए ,
के विग्रिन्थ्यो र ?
सायद !
यस्तो छुटाइ ,
यस्तै हुन्छ होला ।
निकै रुएं ।
अहिले पनि तिमीलाई सम्झेर ,
यहाँ कोर्दै छु ।
म भावविह्वल हुँदै छु ।
अनि फेरि सम्भालिदै छु र भन्दै छु ।
ठिकै छ साथी !
मलाई नभनी ,
कहिलै नभेट्ने बाच बन्धन गरेर ,
हिड्यो ।
जहाँ पुगे पनि ,
हिजोको जस्तै ईमान्दार , असल , नेतृत्वदायी ,
संघर्षशिल , निडर , समाजको अगुवा अनि जुझारु ,
बनी नै रहनु ।
सधै सुखी रहनु ।
तिम्रो साथी यो ठाउको ,
हिजोको जस्तै ,
मोर्चा सम्भालि रहने छ ।
ढुक्क हुनु ,
तिम्रो साथी तिमी जस्तै इमानदार छ ।
तिम्रो मेहनत , परिश्रम परेको तिम्रो ,
प्यारो पार्टी नेकपा एमालेलाई समृद्ध ,
बनाउने अभियानमा जुटिरहने छ ।
कमरेड गयाराम राजधामी - हार्दिक श्रद्धाञ्जली !
