धरान / सुनसरी उद्योग वाणिज्य सङ्घको अध्यक्षमा व्यवसायी विजय श्रेष्ठ निर्वाचित हुनुभएको छ ।
असार २० गते भएको निर्वाचनमा अध्यक्षका दुईजना प्रत्याशी शिवराज श्रेष्ठ र पवन अग्रवाललाई पछि पार्दैै उहाँ विजयी हुनु भएको हो । आगामी तीनवर्षे कार्यकालका लागि निर्वाचित विजयले १२२५ मत प्राप्त गर्दा शिवराजले ६३६ मत मात्रै प्राप्त गर्नु भयो । यस्तै, पवन अग्रवालले ३३३ मत पाउनु भयो । उहाँका प्रतयासी भन्दा ५८९ मत बढि ल्याएर उहाँ विजयी हुनु भएको हो । विजयलाई नेपाली कांग्रेसको समर्थन थियो भने शिवराजलाई एमाले, माओवादी, जनता समाजवादी पार्टी र नेकपा एसको समर्थन थियो । पवन भने स्वतन्त्र रुपमा उठनु भएको थियो । अधिकृत डा।राजेन्द्र शर्माले दिएको जानकारी अनुसार २९६६ मतदाता रहेको संघमा २२७८ खसेको थियो । उद्योगतर्फ १४ सय र वाणिज्यतर्फ ७८२, वस्तुगततर्फ १९ र एशोसिएटतर्फ ७७ मत खसेको थियो ।
वस्तुगततर्फ रामस्वरुप शर्माले ११ र नारायण लिम्बूले १० मत ल्याएर विजयी हुनु भएको छ । यस्तै, उद्योगतर्फ पीयुषराज आचार्य ५७८, प्रभाव खतिवडा ५३०, महेन्द्र प्रधान ५२१, विष्णु बराल ४९३ मत ल्याएर विजय श्रेष्ठ प्यानलै विजयी हुनु भयो । बस्तुगतमा शिवराज श्रेष्ठ प्यानलका लिम्बूब विजयी हुनु भएको हो ।
यता वाणिज्यतर्फ ८ पदका लागि १७ जनाले स्पर्धा गरेकोमा उपेन्द्र चाम्लिङले ६२२, किसन मास्केले ६६४, जयप्रकाश शर्माले ६६४, नविन राजभण्डारीले ६७५ मत ल्याउँदै विजयी बन्नु भएको छ । यस्तै, वाणिज्यतर्फ नै मनोजकुमार अग्रवाल तोदीले ६१९, शैलेशकुमार आचार्य (प्रमोद) ले ६५१, शशी साहले ६७१ मत ल्याउँदै विजयी हुनु भएको छ । वाणिज्य महिला तर्फ वर्षा अग्रवालले ८०१ मत ल्याउँदै विजयी हुनु भयो । चाम्लिङ र राजभण्डारी शिवराज श्रेष्ठ प्यानलबाट विजयी हुनु भएको हो भने अन्य सबै विजय श्रेष्ठ प्यानलका हुन ।
एशोसियटतर्फबाट गोपाल श्रेष्ठ, अशोक जैन र राजु साह, उद्योग महिलामा स्तुति श्रेष्ठ निर्विरोध निर्वाचित हुनु भएको थियो । । संघमा अध्यक्षसहित १८ जना निर्वाचित हुनेछन् भने ४ जना सदस्य मनोनित हुनेछन् । साथै, सदस्यहरुमध्येबाटै प्रथम उपाध्यक्ष, द्धितिय उपाध्यक्ष, महासचिव, कोषाध्यक्षसहित उद्योग सचिव, वाणिज्य सचिव र प्रचार सचिवकोरुपमा पहिलो बैठकबाट पदीय जिम्मेवारी तोक्ने प्रावधान छ ।
लोकतान्त्रिक प्यानल उम्मेदवारी दिएका उनले यसअघि विजय श्रेष्ठ वामपन्थी प्यानलका गिरिधारी सापकोटासँग पराजित हुनु भएको थियो । उद्योग वाणिज्य संघका सदस्य हुँदै उद्योग सचिव, महासचिव र दुई कार्यकाल उपाध्यक्षको अनुभव सङ्गालेका उहाँ यस पटक बावगठबन्धनलाई पराजित गदैंं विजयी हुनु भएको छ ।
