लोकतान्त्रिक वाम गठबन्धनको प्रतिबद्धतापत्र सार्वजनिक: धरानलाई खेलकुदकाे शहर बनाइने

शनिवार धरान १२ गोरखा होटलमा आयोजित कार्यक्रममा सार्वजनिक गरिएको प्रतिबद्धतापत्रमा धरानलाई महानगरपालिकाका बनाउनेदेखि उज्यालो धरान बनाउनेसम्मका योजना सार्वजनिक गरेको हो ।

वैसाख ३० को आसन्न स्थानीय निर्वाचन अन्र्गत धरान उपमहानगरपालिकाको निर्वाचनमा होमिएको लोकतान्त्रिक वाम गठबन्धनका उमेद्वारहरुले प्रतिबद्धतापत्र यस्तै सार्वजनिक गरेको प्रतिद्धतापत्रमा धरानको जटिल समस्याको रुपमा रहेको खानेपानी समस्या, सर्वसाधारणको दैनिक जीवनमा पर्ने समस्या, धरानको गुरु योजना, धरानलाई खेलकुदको सहर बनाउने योजनाका साथै सुन्दर, उज्यालो एवम् पर्यटकीय गन्तव्य स्थल बनाउने लगायतका कुरालाई आफ्नो कार्यकालमा पूरा गर्ने प्रतिबद्धता जनाएका छन् ।

सार्वजनिक गरेको प्रतिबद्धतापत्रमा दीर्घकालीन योजनाहरु, भौतिक पूर्वाधार विकास, स्वास्थ्य, शिक्षालगायतका कुराहरुलाई समेटेको छ । यस्तै धरानलाई स्वास्थ्यको हब बनाउदै प्रतिष्ठाको सुधारका लागि पहल कदमी अगाडि सार्ने, धरानका दीर्घरोगीहरुका लागि निशुल्क औषधो उपचारका प्रदान गर्ने, धरानलाई पर्यटकीय हव बनाउने, धरान तथा धरान आसपासकामा रहेका क्षेत्रर्संग लिंक रोड निर्माण गर्ने, कुरालाई समेत समेटिएको छ ।

घोषणापत्र सार्वजनिक पछि गठबन्धनबाट कांग्रेसकाका तर्फबाट मेयर प्रत्यासी बनेका किशोर राईले धरानको समस्यालाई सुक्ष्मरुपमा अध्ययन गरी घोषणापत्र सार्वजनिक गरिएको बताउदै यसलाई पूरा गरेर जाने प्रतिबद्धता जनाउनु भयाे । उहाँले भन्न् भयाे–‘समुन्नत धरान बनाउनका लागि सबैसंग सहकार्य, छफलल तथा सल्लाह सुझाव अनुसार अगाडि बढ्ने छौं, धरान उपमहानगरपालिकालाई चुस्त दुरुस्त र पारदर्शी बनाउन अगाडि बढ्ने छौं ।’

यस्तै गठबन्धनका तर्फबाट निर्वाचन परिचालन समितिका संंयोजक सुजेन्द्र तामाङले निर्वाचन नजिकिदै गएको अवस्थामा यसपटक आफूहरुले ढिलो प्रतिबद्धतापत्र सार्वजनिक गरेको बताउनु भयाे । उहाँले यसपटक घरदैलो कार्यक्रमको दौरानमा सर्वसाधारणको समस्या, राय र सुझाव सुनेर प्रतिबद्धता तयार गरिएकोेले यो प्रभावकारी हुने बताउनु भयाे । उहाँले भन्न भयाे–‘विगतमा हामीले अगाडि नै प्रतिबद्धतापत्र सार्वजनिक गरेका थियौ, तर यसपटक हामीले जनताको राय, सुझाव, समस्यालाई बुझेर प्रतिबद्धता तयार गरेका छौं, यो प्रतिबबद्धतापत्र भन्दा पनि जनताको समस्या समेटिको प्रद्धिबद्धता हो, गठबन्धनलाई यो कार्यान्वयन गर्न पनि सहज हुनेछ ।’

प्रतिबद्धता निर्माण समितिका संयोजक केशव घिमिरेद्वारा प्रतिबद्धतापत्र कार्यक्रममा जसपा, नेकपा माओवादी केन्द्र, नेपाली कांग्रेस तथा नेकपा एसका प्रतिनिधिहरुको सहभागिता रहेको थियो ।