संखुवासभामा दुर्घटना, १३ जना भन्दा बढीकाे मृत्यु

धरान । सङ्खुवासभाकाे मादीमा भएको बस दुर्घटनामा परी १३ जनाकाे भन्दा बढीकाे  मृत्यु भएको छ । 

सङ्खुवासभाको मादी रामबेनीबाट झापाको दमक आउँदै गरेको बा ४ ख ७३५ नम्बरको यात्रुवाहक बस कच्ची सडकबाट अन्दाजी ३ सय मिटर तल झर्दा १३ जना यात्रुको मृत्यु भएको जिल्ला प्रहरी कार्यालय खादवारीले जनाएकाे  छ । 

दुर्घटना पिलुवा खोला देखि ३ किलोमिटर माथि मादी नगरपालिका–६ को पुलुङस्थित सात घुम्तीमा भएको भएको हो ।

घटनास्थलमा रहेका मादी नगरपालिका वडा नम्बर ६ का अध्यक्ष धननारायण तामाङले अहिले सम्म दुर्घटनामा परि १३ जनाको शव निकालिएको जानकारी दिनु भयाे  ।

१ नम्बर प्रदेश ट्राफिक प्रहरी कार्यालयका अनुसार ५ जनाको अवस्था गम्भीर रहेको छ । अहिले घटना स्थलमा उद्धार कार्य चलिरहेको छ । स्थानीयका अनुसार बसमा करिब १९ देखि २१ जना यात्रु सवार थिए ।