- खगेन्द्र कार्की
फत्तेपुर । सप्तरीको सप्तकोसी नगरपालिका फत्तेपुरमा भइरहेको प्रथम सप्तकोसी गोल्डकप फुटबल प्रतियोगिताको बुधबार सम्पन्न सेमिफाइनल खेलमा बर्दिबास नगरपालिका महोत्तरीलार्इ हराउँदै धरान स्पोर्टिङ क्लव सुनसरी फाइनलमा पुगेको छ । ।
सहिद स्मृति रंगशाला फत्तेपुरमा बर्दिबास नगरपालिका महोत्तरी र धरान स्पोर्टिङ क्ल्ब सुनसरी बिच भएको सेमिफाइनल खेलमा बर्दिबास नगरपालिका महोत्तरीलाइ २(० गोलअन्तरले पराजित गर्दै धरान गोल्डकपको फाइनलमा प्रवेश गरेको हो ।
धरानको तर्फबाट जर्सि न ७ का मिलन लिम्बुले खेल सुरु भएको ३९ औं मिनेटमा १ गोल गर्दै टिमलार्इ अग्रता दिलाउनुभयो । दोस्रो हाल्फमा धरानको तर्फबाट जर्सि न. १० का बिबेक रार्इले थप १ गोल गर्दै जीत सुनिश्चित गरे । बर्दिबासले खेल अवधीभरी कुनै गोल गर्न सकेन ।
अन्तिम सेमिफाइनल खेल बिहिवार न्य स्टार फुटबल क्ल्ब सुनसरी र दमक फुटबल एकेडेमी झापा बिच हुने र बिहीबारको बिजेता टिमले फाइनलमा धरान स्पोर्टिङ क्ल्बको सामाना गर्ने आयोजकले जनाएको छ।
खेलको म्यान अफ द म्याच धरानका जर्सि न ३ का आमोस लिम्बु घोषित हुनु भयो । सप्तकोसी नगर युवा तथा खेलकुद बिकास समिति द्वारा असार १ गते देखि ८ गते सम्म संचालित प्रथम सप्तकोसी गोल्डकप फुटबल प्रतियोगितामा ८ टिमले सहभागिता जनाएको आयोजकले जानकारी दिनुभयो । प्रतियोगितामा विजेता उप विजेता टिमलाइ क्रमशः नगद रु २ लाख र १ लाख ट्रफी मेडल प्रमाणपत्र बितरण गरिने नगर खेलकुद बिकास समितिका अध्यक्ष सुरेश खडकाले जानकारी दिनुभएको छ ।
