धरान / अजिज ब्याण्डले ‘बेउरा’ शिर्षकको म्युजिक भिडियो सार्वजनिक गरेको छ । युवा पुस्तामाझ चर्चित गायक पूर्ण राईले सार्वजनिक गरेको सो कार्यक्रम नेपाल पत्रकार महासङ्घ सुनसरीको हलमा भएको थियो । कार्यक्रममा म्युजिक भिडियो निर्माण गर्ने कागज प्रोडक्सनका किवा खिम्दुङले ‘बेउरा’ शिर्षकको गीतले लागूऔषधमा लाग्नु हुन्न भन्ने सन्देश दिएको बताउँनुभयो ।
आप्mनो गीतको बारेमा अजिज ब्याण्डका गायक मनकुमार लिम्बूले गीत हेभिमेटल शैलीको भएको बताउँदै गीतमा युवा पुस्तालाई लागूऔषधमा नलाग्न सन्देश दिएको बताउनु भयो । गायक लिम्बूले ‘बेहोरा’ शब्दलाई चलनचल्तिको भाषामा ‘बेउरा’ बनाएको बताउँदै भन्नुभयोे– ‘लागूऔषधको प्रयोगले प्रयोगकर्ताको ‘बेउरा’ फरक हुने र सामाजिक चालचलनमा फरकपन आउने भएकोले लागूऔषध प्रयोग गर्नु हुन्न ।’
श्रृष्टि श्रेष्ठले सञ्चालन गरेको कार्यक्रममा पूर्ण राई एण्ड दाजुभाइ ब्याण्ड र लासोस् ब्याण्डसहित नेपाल पत्रकार महासङ्घका अध्यक्ष जनकऋषि राइको पनि उपस्थिति रहेको थियो ।
