धरान / ‘धरान–चतरा बाटो खतरा’ धेरै मिडियामा हेडलाइनहरु बने । सरकारको रातो कितावमा केही बर्षहरु पिच सडक भनेर चढे पछि स्थानीय स्तरमा सुनसरीको धरानदेखि बराहक्षेत्र नगरपालिकाको चतरासम्मको बाटो बनाउन पहल गरे पनि बनेन् । यो सडक बनाउने भन्ने ४ दशक अघि योजना भए पनि बन्न सकेको थिएन ।
करिव १३ किमी सडकमा पर्ने सर्दु खोला, बाघ खोला, बगुवा खोला र खार खोलामा आउने बाढीले धेरैको ज्यान जोखिममा पर्यो । कतिका सवारी साधानहरु बगाएको छ । अन्य क्षेत्रमा गाउँगाउँमा पिच पुगे पनि यो सडक भने बषौंदेखि बन्न सकेको थिएन् । २०७५ सालमा सरकारले चुरे क्षेत्रबाट मदन भण्डारी राजमार्ग बनाउन राष्ट्रियआयोोजना सञ्ञ्चालन गरे पछि यहाँको सडक बन्ने आशा पलाएको छ । सडक बन्ने भन्ने सुनेर केस पकाएकाहरुले अवभने यो सडक पिच भएको देख्न पाउने भएकाा छन् । सर्दु खोलामा परियोजना अन्तर्गत पुल बनि सकेको छ ।
बाघ खोला, बगुवा खोलामा पनि अव पुल बन्ने भएको छ । विहीबार ती खोलामा कहाँबाट पुल बनाउन सकिन्छ भनेर सुनसरी क्षेत्र नं. १ का सांसद जयकुमार राई, मदन भण्डारी राजमार्ग परियोजनाका निर्देशक अशोक अशोक तिवारी, चतरा–झापा सडक आयोजनाका प्रोजेक्ट मेनेजर सुवोध देवकोटा, सिनियर डिभिजन इन्जिनियर रमेश सिंहले स्थलगत अवलोकन गर्नु भएको छ । बाघ खोलामा आयोजनाले कजवे बनाउन डिपिआरको तयारी गरेको थियो । तर उक्त खोलामा ठूला ढुङ्गा बगेर आउने भएकाले कजवे बनाउन नहुने सो क्षेत्रका संघीय माननीय जयकुमार राईले भने पछि विभागका निर्देशक आफु स्थलगत अनुगमन गनृ आउनु भएको हो । हालको सडक भन्दा ५ सय मिटर माथिबाट करिव १ सय मिटर लामो पुल बनाउने गरि सर्भे गरिएको आयोजनाका प्रोजेक्ट मेनेजर सुवाध देवकोटाले बताउनु भयो । सडक माथिबाट लादाकेही जंगलका रखहरुकाटन् पर्ने हुदाँ वनसँग समन्वय गर्न भने आयोजनाका निर्देशक तिवारीले सांसद राईलाई जिम्मा दिनु भएको छ । आफु बसेर रुख काटी सडक बनाई छाड्ने सांसद राईले बताउनु भयो । ‘जनताका लागि सडक बनाउदा वनका रुख काट्दा जेल जान परे म जान्छु तर जनताले दुद्यख पाउनु भएन ।’–सांसद राईले भन्नु भयो–‘यहाँका जनताको दुखका दिन जाने छन् ।’
चतराको झण्डी चोकदेखि पानवारीको चोक्टीसम्मको स्थगत निरिक्षणले वराहक्षेत्र चतरावासीमा नयाँ आशाको सञ्चार भएको छ । आयोजनाले निरीक्षणबाट फर्के लगत्तै डिपिआर तयार गरि बाघ खोला र बगुवा खोलामा पुल बनाउन सुरु गर्ने छ । ‘अब चतरावासीको मात्रै होइन, धरान, उदयपुर सबैतिरका मान्छेको आवागमन सहज हुन्छ, अब दुःखका दिन गए ।’–सांसद् राईले भन्नु भयो । अवैज्ञानिक कजवे बनाउने तीन पटकसम्म गरेको परियोजनाको निर्णयलाई उल्टाउँदै सांसद राईको पहलमा सर्दूदेखि खारखोलासम्म तीन वटा पक्की पुल निर्माण हुने भएका छन् । तीन वटा यस अघि नै निर्माण भइसकेका छन् ।
‘यस क्षेत्रका माननीयको अनुरोधमा आयोजनाले कजवेलाई स्थागित गरि पुल नै बनाउने पक्षमा पुगेका छौं । अव ततकाल डिपिआरको काम हुने छ । डिपिआरको काम भए पछि मात्र पुल बन्ने पक्का हुन्छ ।’–आयोजना निर्देशक तिवारीले भन्नु भयो ।
झापाको बाहुनडाँगीदेखि चतरा,बेलटार,गाइघाट,सिन्दुली हुदैं महाकालीसम्म १ हजार २ सय किलोमिटर मदन भण्डारी राजमार्ग निर्माण भइरहेको छ । बहुवर्षीय योजनाका रुपमा काम तिव्र भइरहेको चतरा–झापा सडक योजनाका प्रमुख सुबोध देवकोटाले जानकारी दिनु भयो ।
भिमान–बेलडाँगी सडक खण्डमा १६३ किमी सडक कालोपत्रे अन्तिम चरणमा
राष्ट्रिय गौरवको आयोजना मदन भण्डारी राजमार्गको झापाको बाहुनडागीदेखि सिन्धुलीको भिमानसम्मको सडक कालोपत्रे गर्ने काम तिवै रुपमा भइरहेको आयोजनाले जनाएको छ ।
भिमान–गाइघाट–धरान र धरान–बेलडागी–बाहुनडागी दुई खण्ड अन्तर्गत २६४ किमी सडक मध्य १७३ किमी सडकको निर्माण कार्य धमाधम भइरहेको मदन भण्डारी राजमार्ग आयोजना कार्यालय उदयपुरले जनाएको छ ।
धरानको सर्दु खोलादेखि पूर्व झापाको बेलडागीसम्मको निर्माण कार्य अहिले प्याकेजमा भइरहेको छ । बाहुनडागीसम्मको १३० किमी मध्य धरानदेखि बेलडागीसम्मको ६३ किमी सडकमा निर्माण कार्य भइरहेको मदन भण्डारी राजमार्ग आयोजना कार्यालय दमकका प्रोजेक्ट मेनेजर सुबोध देवकोटाले जानकारी दिनु भयो ।
उहाँका अनुसार धरानको सर्दुखोला, पानवारी, मोरङ केरावारी, लेटाङ, मधुमल्ला, झापाको बेलडागी, शान्तिनगर, बाहुनडागी, इलाको चुलाचुली, दानावारीसम्म सडक विस्तार भइरहेको छ । शान्तिनगरदेखि चुलाचुली, दानावारी हुदैं बाहुनडागीेसम्मको ६७ किमी सडकको भने सडक विभागले ठेक्का लगाएको छैन् । सडक क्षेत्रमा पर्ने ३१ वटा पुलमध्य २६ वटा निर्माण कार्य भइरहेको छ । पाँच वटा पुल निर्माण गर्न डिजाइन स्वीकृतीका लागि प्रक्रियामा रहेको प्रोजेक्ट मेनेजर देवकोटाले बताउनुभयो । हालसम्म २९.८ प्रतिशत भौतिक निर्माणका काम भएको उहाँले जानकारी दिनु भयो । चार वटै जिल्लामा पर्ने वन क्षेत्रमा वन विभागको सहमति लिएर सडकमा पर्ने रुखमा टाँचा लगाउने काम भएको उहाँले बताउनु भयो ।
यता धरान–रामपुर,गाइघाट, कटारी, भिमान हुदैं जाने सडकको १३४ किमी मध्य ११० किमी सडक निर्माण चरणमा रहेको छ । ५६ वटा पुलमध्य ४४ वटा पुल निर्माण भइसकेको मदन भण्डारी राजमार्ग आयोजना कार्यालय उदयपुरका इन्जिनियर शंकर पौडेलले जानकारी दिनु भयो । १२ वटा पुल भने निर्माणधिन अवस्थामा रहेका छन् । १३४ किमी सडक कालोपत्र आगामी आर्थिक बर्ष २०७९ भित्र पुरा हुने गरि काम अगाडी बढेको उहाँले बताउनु भयो ।
सरकारले मदन भण्डारी राजमार्गलाई आगामी ५ बर्षभित्र पुरा गर्ने गरि २०७७ सालदेखि शुरु गरेको थियो । चार लेनको सडक पूर्व पश्चिम जोडने गरि सडक विस्तारको शुरु गरिएको हो । राष्ट्रपति विद्यादेवी भण्डारीले संघीय संसदमा आर्थिक वर्ष २०७७/७८ को नीति तथा कार्यक्रममा यो आयोजना समेटिएको थियो । आगामी आर्थिक बर्षमा १५५ किलोमिटर कालोपत्रे गर्ने र झापादेखि चतरासम्मको खण्डमा पुल निर्माण कार्य थाल्ने पनि नीति तथा कार्यक्रममा उल्लेख गरिएको थियो । २०८२ साल भित्र पूर्वपश्चिम १२ सय किमी सडक निर्माण गरिसक्ने आयोजनाले जनाएको छ ।
यो सडक निर्माणका लागि सरकारले २०७५ जेठ ६ गते स्वीकृत गरेको थियो । आर्थिक बर्ष २०७५/०७६ को बजेटमा परियोजनाका लागि ४ अर्व ५० करोड बजेट विनियोजन गरेको थियो । हाल बहुबर्षिय योजना अन्तर्गत सरकारले बजेट व्यवस्थापन गदैं आएको छ ।
