धरान / पूर्वको लोकप्रिय फुटवल प्रतियोगिता बुढासुब्बा गोल्डकपको २५ औं संस्करण यही माघ दोश्रो साता देखि हुने भएको छ । आयोजक धरान फुटबल क्लबले आज पत्रकार सम्मेलन गरि २५ औं संस्करण माघ १९ गतेदेखि सुरु हुने जानकारी दिएको छ ।
धरान–१६ स्थित रङ्गशालामा हुने प्रतियोगितामा भारत र भुटानको दुई क्लबसहित १० टिम सहभागी हुने क्लबका अध्यक्ष प्रताप तामङ्गले जानकारी दिनु भएको छ । गत बर्ष नाफा कमाएको क्लवले यो बर्ष पनि नाफा कमाउने लक्ष्य लिएको छ ।
प्रतियोगिता सम्पन्न गर्न मा ८० लाख १० हजार खर्च लाग्ने अनुमान गरिएको छ । भने एक करोड दुई लाख २५ हजार आम्दानी गर्ने लक्ष्य राखिएको क्लवका अध्यक्ष प्रताप तामाङले जानकरी दिनु भयो । खेल अवधीमा प्रवेश शुल्कको भने हिसाव गरिएको छैन् । अगत बर्ष १० लाख टिकटबाट संकलन भएको आयोजकले जनाएको छ ।
एन्फा खेल सूचिमा गोल्डकप ९‘क’ श्रेणी० को मानिएको प्रतियोगिताको मुख्य प्रायोजक टुर्वोग र संयोजन धरान उपमहानगरपालिका रहेको क्लवका महासचिव नविन राईले जानकारी दिनु भयो । टुर्वोगले १२ लाख र धरान उमपहानगरले १० लाख दिने भएको छ । यस्तै कोशी प्रदेश खेलकुद विकास बोर्डले पनि १० लाख बजेट विनियोजन गरेको आयोजकले जनाएको छ । प्रतियोगिताको विजेताले नगद १० लाख र उपविजेताले नगद ५ लाख पुरस्कार पाउनेछ । यस्तै, प्रतियोगिताको उत्कृष्ट खेलाडीले १ लाख पाउनेछन् । त्यस्तै आयोजकले प्रत्येक खेलको म्यान अफ दि म्याचले १५ हजार नगद पुरस्कार दिने व्यवस्था गरेको छ । प्रतियोगिताको सर्वाधिक गोलकर्ताले नगद ३५ हजार पाउनेछन् भने उत्कृष्ट डिफेन्स, उत्कृष्ट गोलकिपर, उत्कृष्ट मिडफिल्डर, उत्कृष्ट स्ट्राइकर र उत्कृष्ट प्रशिक्षकले जनही नगद २५/२५ हजार पुरस्कार पाउनेछन् ।
प्रतियोगितामा गत बर्षको विजेता एनआरटि क्लब काठमाण्डौ, लिग च्याम्पियन चर्च ब्वाईज क्लब , २०७३ सालको विजेता नेपाल पुलिस क्लब, भुटान फुटबल एकाडेमी, त्रिभुवन आर्मी क्लब, इटहरी जागृती क्लब, यूके एफसी (भारत), मच्छिन्द्र क्लब काठमाडौं, कांकडभिट्टा फुटबल ट्रेनिङ सेन्टर झापा र धरान फुटबल क्लब सहभागी हुने अध्यक्ष तामाङले जानकारी दिनु भएको छ । क्लवले २५ औं संस्करण पुगेको अवसरमा स्मारिकतासमेत निकाल्ने तयारी गरेको छ ।
पत्रकार सम्मेलनमा धरान फुटबल क्लबले गोल्डकपको आयस्रोतका लागि १ करोड रुपैयाँको अक्षयकोष स्थापना गर्ने पनि महासचिव राईले बताउनु भयाे । यस्तै हङकङमा पनि छुट्टै ५० लाख रुपैयाँको अक्षयकोष स्थापना गर्ने उहाँले बतायनु भयाे ।
निरन्तर प्रतियोगिता गदैं आएको धरान फुटवल क्लवले खेलाडी उत्पादन गरेर राष्टिय स्तरमा सहभागिता जनाउन भने सकेको छैन् । २४ वटा संस्करणमा ५ पटक फाइनलमा पुगेको धरानले प्रतियोगितामा खेलाडी अन्य क्लवबाट लिएर खेल्दैं आएको छ । यस पटक उपाधी रक्षा गर्ने रणनीतिका साथ आयोजक टिम तयारी गरिएको क्लवका महासचिव राईले बताउनु भयो ।
२०५५ सालदेखि आयोजना हुँदै आएको प्रतियोगिता एक वर्ष ग्याप भएको थियो भने त्यसपछिका वर्षहरुमा दुखसुख प्रतियोगिता निरन्तर रुपमा हुँदै आएको छ । यो बर्ष प्रतियोगितालाई उत्सवको रुपमा सम्पन्न गर्ने आयोजकले जनाएको छ ।
क्वलका अध्यक्ष प्रताप तामाङको अध्यक्षतामा भएको पत्रकार सम्मेलनमा हङकङ नेपाली महासङ्घका पूर्व अध्यक्ष प्रदिप थापा, वरिष्ठ पत्रकार हर्ष सुब्बालगायतले प्रतियोगिता भव्य बनाउन शुभकामना दिनु भयाे । सोही अवसरमा पत्रकार महासङ्घ सुनसरीमा निर्वाचित पदाधिकारी र परिषद सदस्यहरुलाई बधाई ज्ञापनसमेत गरिएको थियो ।
२४ औं संस्करणसम्मका विजेता तथा उपविजेताहरु
२०५५ बुल्गोरिया स्पोटिङ ङ्कवल, भारत धरान फुटबल क्लब
२०५६ महेन्द्र पुलिस क्लव धरान फुटबल क्लब
२०५७ धनमुन्दी क्लव, बंगलादेश महेन्द्र पुलिस क्लव
२०५८ महेन्द्र पुलिस क्लव धरान फुटबल क्लब
२०५९ महेन्द्र पुलिस क्लव फ्रेन्ड्स क्लब
२०६० मनाङ–मर्स्याङ्दी क्लब महेन्द्र पुलिस क्लब
२०६१ थ्रि स्टार क्लब जावलाखेल युथ क्लब
२०६२ अफ्रिकन युनाइटेड क्लब धरान फुटबल क्लब
२०६३ थ्रि स्टार क्लब जावलाखेल अफ्रिकन युनाइटेड क्लब
२०६४ एनआरटि क्लब जावलाखेल युथ क्लब, काठमाण्डौ
२०६५ नबिल थ्रि स्टार क्लब त्रिभुवन आर्मी क्लब, काठमाण्डौ
२०६६ आरसीटी क्लब नेपाल पुलिस क्लव
२०६७ मनाङ–मर्स्याङ्दी आरसीटी क्लब
२०६८ थ्रि स्टार क्लव मनाङ–मर्स्याङ्दी क्लब
२०७९ हङ्गकङ्ग नेपाली महासंघ, हङ्गकङ्ग त्रिभुवन आर्मी क्लब, काठमाण्डौ
२०७० अफ्रिकन युनाइटेड क्लब सहारा क्लव काठमाडौं
२०७१ एपिएफ, काठमाण्डौ एमएमसी क्लव काठमाडौं
२०७२ मनाङ–मर्स्याङ्दी नेपाल पुलिस क्लव
२०७३ नेपाल पुलिस क्लव सङकटा क्लव काठमाडौं
२०७४ थ्री स्टार क्लब, काठमाण्डौ नेपाल पुलिस क्लव
२०७५ डाफिन्स क्यामरुन धरान फुटबल क्लब
२०७६ मनाङ मर्स्याङदी क्लब, काठमाण्डौ नेपाल पुलिस क्लव
२०७९ केमरुन एफसि काँकडभिट्टा फुटबल ट्रेनिङ सेन्टर, झापा
२०८० एनआरटि क्लब काठमाडौं जिल्ला फुटबल संघ, मोरङ
२०८१ ? ?
