सप्तरी / मधेश प्रदेशको सप्तरी जिल्लामा ४ वटा निर्वाचन
क्षेत्र छन् । चार वटा निर्वाचन क्षेत्र मध्य सबै भन्दा बढी मतदाता रहेको
क्षेत्र सप्तरी –१ हे । निर्वाचन कार्यालयका अनुसार सप्तरी–१ मा ५८ हजार
दुई सय २९ पुरुष, ५४ हजार ९ सय ५८ महिला र अन्य ८ गरि कुल १ लाख १३ हजार एक
सय ९५ मतदाता रहेका छन् ।
यति धरै मतदाता भएको निर्वाचन क्षेत्रमा
प्रतिनिधी सभा सदस्यका लागि मात्र २१ जना र प्रदेश सभाका लागि २५ जना
उम्मेदवार मैदानमा छन् ।
२०७४ सालको निर्वाचनमा जनता समाजवादी
पार्टी(जसपा) का डा. सूर्यनारायण यादवले जित्नु भएको थियो । उहाँको निकटतम
प्रतिद्वन्द्वी एमालेको उम्मेदवार हुनुहुन्थ्यो । पटक पटक राजनीतिक दलका
उम्मेदवारहरुले जित्दैं आएको सप्तरी–१ मा २०७९ सालको संघ प्रदेश सभा
निर्वाचनमा दलका उम्मेदवारहरुलाई स्वतन्त्र उम्मेदवारहरुको चुनौती थपिएको छ
।
यसपटक जसपा–एमाले तालमेलबाट मधेश प्रदेशका सामाजिक विकास मन्त्री
नवलकिशोर साह उम्मेदवार हुनुहुन्छ । यस्तै सत्तारुढ गठबन्धनबाट नेपाली
काँग्रेसका जिल्ला सभापति रामदेव साह चुनावी मैदानमा हुनुहुन्छ । उहाँ
समाजवादी र माओवादी केन्द्रको साझा उम्मेदवार हो । तर पूूर्वसंविधानसभा
सदस्य एवं नेकपा माओवादी केन्द्रका केन्द्रीय सदस्य तथा सप्तरी जिल्ला
इन्चार्ज अशोककुमार मण्डलले स्वतन्त्र उम्मेदवारी दिए पछि सत्ता गठबन्धनलाई
चुनाव अप्ठ्यारो परिस्थिति बनेको छ ।
त्यसो त सप्तरी तिरहुत
गाउँपालिका डिमनका युवा इन्जिनियर कविन्द्र यादवको प्रतिनिधि सभा सदस्यमा
उम्मेदवार दिनु भए पछि दलका उम्मेदवारलाई चुनौती थपिएको छ ।
पछिल्लो
समय राजनीतिक दलहरुका नेताबाट जनता निरास भए । दलका नेताहरुले जुन सपना
बाढे, त्यो पुरा गरेनन । जनताले दशकौंदेखि भोग्दैं आएको दुख पीडामा दलका
नेतृत्वले मलम लगाउन सकेनन् । त्यही दलका नेताहरुको विकल्पमा २०७९ सालको
स्थानीय तह निर्वाचन पछि स्वतन्त्र व्यक्तिहरु नेतृत्वको लागि अगाडी आएका
छन् । स्थानीय तहमा स्वतन्त्रबाट उम्मेदवारी दिएर विजयी उम्मेदवारले
लोकप्रिय काम गरेका कारण यही मंसिर ४ गतेको संघ र प्रदेशको निर्वाचनमा पनि
स्वतन्त्र उम्मेदवारहरु बढे । स्वतन्त्रहरुको भीडमा केही सक्षम, पढे लेखेका
आसलाग्दा युवाहरु पनि स्वतन्त्र रुपमा उम्मेदवारी दिए पछि दलहरुका
उम्मेदवारहरुलाई चुनौती थपिएको छ ।
इन्जियरिङ पेसामा रहनु भएका यादव
सप्तरी–१ का जनताको सेवा गर्न चुनावी मैदानमा हुनुहुन्छ । २०३७ सालमा
डिमनको ग्रामिण भेगमा जन्मिनु भएको यादव राजनीतिमा पढे लेखेका युवा आउनु
पर्छ भन्ने मान्यताले उम्मेदवारी दिएको बताउनु हुन्छ । उहाँले सन् २००४ मा
इलेक्ट्रोनिक्स कम्युनिकेशन इन्जिनियरिङमा भारतको मध्य प्रदेशस्थित मौलाना
आजाद प्राद्योगिक विश्वविद्यालयबाट विई गर्नु भएको छ । चाइनाको नान्छाङ
विश्वविद्यालयबाट सन् २०१८ मा एमविए गर्नु भएको छ ।
कविन्द्रको
क्षेत्रमा मतदाताहरुले उहाँलाई रुचाइरहनु भएको छ । उहाँको घरदैलो
कार्यक्रममा स्थानीयहरु उत्साहित भएर लागेका छन् । उहाँले आफ्नो क्षेत्रमा
गुणस्तरिय शिक्षा, उच्चस्तरिय स्वास्थ्य सेवा, सडक, सिचाई, विजुली र
स्थानीय स्तरमा जनताका सानातिना समस्यालाई मुल एजेण्डा बनाउनु भएको छ ।
चन्द्र नहरको स्तरोन्नती, ग्रामिण भेगमा पिच सडक, सामुदायिक विद्यालयहरुमा
अंग्रेजी माध्यममा पठनपाठन, महिलाहरुको सुरक्षाजस्ता विषय उहाँको
प्राथमिकतामा रहेका छन ।
राजनीतिक दलहरुले मधेशका जनताहरुका लागि कुनै
लोकप्रिय र उनीहरुको आर्थिक, सामाजिक राजनीतिक उन्नती हुने कुनै काम
नगरेकाले उहाँ राजनीतिक मैदानमा आएको उहाँ बताउनु हुन्छ । पैसा बाढेर र
जनतालाई मासु चिउरा खुवाएर चुनाव जित्ने आफ्नो मनसाय नभएको बताउदैं जनताको
मन जितेर चुनाव जिति यस क्षेत्रको कायपलट गर्ने धोको भएको उहाँ बताउनु
हुन्छ । सप्तरी–१ का जनताको आग्रहमा आफु उम्मेद्वार भएकाले जनताले आफुलाई
विजयी गराउने उहाँको बुझाई छ ।
यस्तै सप्तरी क्षेत्र नं. १ (१) प्रदेश
सभा सदस्यका लागि दलका उम्मेदवारलाई चुनौती दिन सहकारी अभियानमा २५
बर्षदेखि लाग्नु भएका सप्तकोशी नगरपालिका–१ का शम्भुबहादुर खड्काले पनि
उम्मेदवारी दिनु भएको छ । लामो समयदेखि माओवादी केन्द्रमा काम गर्नु भएका
सामाजिक अभियान्ता खड्का एक बर्ष अघि नै पार्टी परित्याग गरि स्वतन्त्र
रहनु भएको थियो ।
खडकाले दलिय सिन्डिकेटद्वारा लादिएको जातिबाद
क्षेत्रीयताबाद तथा नाताबादका विरुद्ध र दलिय संरक्षणमा भइरहेको ब्यापक
भ्रष्टाचारका विरुद्धमा मेरो उम्मेदवारी रहेको बताउदैं आउनु भएको छ ।
फराकिलो अन्तरमा उहाँ विजयी हुने सप्तरी–१ का स्थानियको आंकलन छ । राजनितिक
दलहरुसँग रुष्ट भएका नेता कार्याकर्ताहले आंकलन गरेका छन् ।
सप्तकोसी
नगरपालिका फत्तेपुरमा रहेको त्रियुगा सहकारीको सञ्चालक समितिको अध्यक्ष
भएर बिगत २५ बर्ष देखि सहकारी आन्दोलनमा हुनुहुन्थ्यो । २० हजार भन्दा बढि
सहकारी सदस्यहरुसँग घुलमेल भएका खड्का तिनै सहकारी सदस्यहरुको सहयोगले
निर्वाचन जित्ने उहाँको दावी छ । राष्ट्रिय सहकारी बिकास बोर्डको बोर्ड
सदस्य पदबाट राजिनामा दिएर चुनावी मैदानमा होमिनु भएको खड्का त्रियुगा
सहकारी संस्था फत्तेपुरको अध्यक्ष हुनुहुन्छ । उहाँले १३ बुदे प्रतिबद्धता
पत्र सार्वजनिक गरि मैदानमा उत्रिएका छन् ।
सप्तरी क्षेत्रमा १ (१) मा
एमाले र जसपा गठबन्धनका उमेदवार राजकुमार लेखी र सत्ताधारी गठबन्धनबाट
माओवादीबाट बेचनप्रसाद चौधरीको उम्मेदवारी रहेको छ । नेपाली काङ्ग्रेसबाट
बिद्रोह गरेर स्वतन्त्र रुपमा पूर्व सांसद हेमराज तातेडले पनि उम्मेदवार
दिए पछि स्वतन्त्रबाट उठ्नु भएको खड्काको माहौल बढेको छ । प्रदेश सभामा
अन्य ११ जनाको उम्मेदवारी परेको छ ।
स्वतन्त्रबाट प्रतिनिधी सभामा
कबिन्द्रसहित सर्वेन्द्र नायक, नारायण ठाकुर, विद्यानन्द लेखी, दिलिप
चौधरी, प्रकाश नाटाहा, फजिल मन्सुरी, डा. रोहित पोखरेल गरि कुल २१ जना
उम्मेदवार चुनावी प्रतिष्पर्धामा रहनु भएको छ । कविन्द्र यादव र जसपाका
नवलकिशोर विच कडा प्रतिस्पर्धा हुने स्थानीय बताउछन् ।
यस क्षेत्रमा
सप्तकोशी नगरपालिका, कंचनरुप नगरपालिका, हनुमाननगर कंकालिनी नगरपालिका,
तिरहुत गाउँपालिका र अग्निसाइर कृष्णासवरण गाउँपालिकागरि पाँच पालिका पर्दछ
।
